الجمعة، 15 أغسطس، 2008

حالة ملل..حالة زهق


حالة ملل ..حالة زهق

و كلام معاند ف الورق

حتى القلم نفسه معاديك

و تقوله اكتب ابوس ايديك

يبصلك بصه ف عينيك

معناها اولع و اتحرق

حاله ملل..حالة زهق

عارف انت لما تلاقى نفسك

حتى مش عايز تقوم

زهقان من البيت.م الشوارع

حتى زهقان م الهدوم

تقلع اوام و تروح تخش

و هب تبقى تحت دش

تطلع و تلقى برضوا نفسك

لسه غرقان فى العرق

حالة ملل..حالة زهق

تنزل القهوة اللى فيها

نص وقتك كان يضيع

تلقى جابر و يا لمعى

مصطادين عبد السميع

و يقولولك جاى تلعب

و الا جاى تواسى اخوك

كلمة منهم كلمة منك

من كلامهم يخنقوك

تلقى همك زاد

و دمك بين عروقك يتحرق

حالة ملل..حالة زهق

تلقى فجاة الساعة واحدة

الشمس ضاربة فى النافوخ

تمشى فيها يدوب دقيقة

الدماغ تتلف تدوخ

و انت ماشى ف عز قرفك

تسمع الشيخ جاد امين

جوه بيت الله بينطق

صوتة اجمل كلمتين

دا الادان..الله اكبر

الصلاة يا مسلمين

الادان ده ليك و ليا

جوه ليل اليأس

زى النور برق

تجرى ع المسجد.تكبَّر

و انت داخل باليمين

تلقى غيرك جاى بيدعى

و اللى جنبه يقول امين

الوضوء يغسل ذنوبك

و النفوس ترتاح اكيد

اصل وعد المولى جنه

اما ناره فدى الوعيد

اللى راح يبعدنا عنها

و نار ذنوبنا تنطفى

الحضور وقت الجماعة

و الصلاة ع المصطفى

اللى كان دايما بيدعى

و هوه اشرف من خلق

لما صليت فرض ربك

و بعد ما تسبح دعيت

قمت لجل تصلى سنه

ركعتين و تكون وفيت

تبقى فزت بالشفاعه

و الشفاعه شئ عظيم

دعوة شلهالك رسولك

اصله بينا رؤوف رحيم

و انت خارج خدتك بالك

قمت قدمت الشمال

افتكرت كمان دعاءك؟

ايوه..الله ع الجمال

بعد ما وقفت ف صلاتك

بين ايدين رب العباد

و اشتكيت له حال حياتك

شغلك..الناس..الولاد

التقيت القلب نوّر

و التقيت الضيق براح

و الملل داب جوه منك

و الزهق و اليأس راح

كل ده من ركعتين؟؟

اوعى تسأل ليه و فين؟؟

خدها من مخلص امين

مش كلام فوق الورق

ربك اللى خلقنا طين

هوه ادرى بمن خلق

68 قول رأيك:

واحد من البلد دى يقول...

انا مواطن مصرى نايم
صاحب بلوج قهوة : نام يا مصرى

و ابن اخت واحد من البلد دى
و الله يا جماعة هو بيوصل لكم السلام كلكم
انا و الله اللى منزل البوست ده
اخدتة منه بالتليفون
هو مش فاضى حتى يكتبة عالكمبيوتر
بس ان شاء الله لما يرجع
حيزروكم كلكم
تحياتى ليكم

اسلام

بطوط حبوب يقول...

رغم روعه القصيده اوى
وحلاوتها الا انى هرد عليها بقصيده لجويده


(8)

أبتاهُ

بالأمس عدتُ إلى الحسين

صليتُ فيه الركعتين

بقيت همومي مثلما كانت

صارت همومي في المدينةِ

لا تذوب بركعتين

-------
دمت مبدعا وعدت سالما

Gannah يقول...

أرجوك يا أخى بلغه سلامى
وان احنا سعداء جدا بعودته
لاننا كنا قلقانين من غيابه اللى طول
واحنا فى انتظاره
بلغه ان البوست جميل جدااا
وبيعبر عن زهقنا كلنا
كل سنة وانتو طيبين
تحياتى

مواطن مصرى نايم يقول...

حاضر يا جنة حتصل بيه و الله عشان اقوله عليكى مخصوص
و كل سنة و انتى طيبة

تحياتى
اسلام

دواير يقول...

بجد قصيدة حلوة جدا... أنا وأنا بقراها كنت حاسة ان حضرتك بتتكلم عني....بالضبط الشعور بالملل من لا شيئ بالرغم ان وراك مليون حاجة تتعمل وأخيرا تكتشف إن مالكش غير ربنا

appy يقول...

يا سيدي على الابداعات كل سنه وانت والاسره بخير يا رب


اسلام بطل الاحتلال ده
ده تخصصى انا بس احسنلك

اهو ده عيبه يقول...

ايه الجمال ده
وصفت حاله الملل والزهق بالظبط زى ما الواحد عايشها كل يوم
بجد اسلوب ممتاز وسلاسه فى الكلمات والمعانى احييك عليها
تحياتى

واحد من البلد دى يقول...

انا مواطم مصرى نايم
صاحب مدونة
قهوة : نام يا مصرى

معلش يا جماعة واحد من البلد دى كان ناوى بإذن الله يدخل يرد عليكوا و يزوركوا

لكن هو دلوقتى فالمستشفى تعبان و الله
اول ما يرجع البيت و يبقى كويس حيدخل يرد و يزوركوا
ان شاء الله

تحياتى

اسلام

واحد من البلد دى يقول...

السلام عليكم و رحمة الله و بركاته

أشكر الله العلى القدير أن َمن على بأصدقاءغاية فى الرقة و الأدب و الأحترام...مثل حضراتكم...
أتوجه بالشكر إلى كل من كلف نفسه تحريك أصابعه على الكيبورد ليكتب لى تعليقا أو يسأل عن سبب غيابى...
و أخص بالشكر كل من كرر الزيارة و السؤال كلاً بأسمه...
وأنا و الله لم يمنعنى عن حضراتكم إلا أسبابا قوية تتراوح ما بين العمل و الأولاد و البيت و و و و هكذا
ولأن ذلك الوقت من السنة يعتبر هو موسم عملى كتاجر حر..
فأرجو من حضراتكم أن تلتمسوا لى العذر و تسامحونى على تقصيرى فى الكتابة أو الزيارة و أنا أعلم جيدا كم أنتم متفهمون لمثل هذه الأوضاع..
وأنا أكتب لكم الأن و الله و أنا مريض ..
فأسألوا الله لى الشفاء العاجل و لا تنسونى من دعائكم..
ولا تقلقوا على فهى لا تتعدى بعض الحصوات بالكلى و لكن الله المستعان على ذلك الألم الرهيب الذى يشعر به المرء عندما تتفضل علينا تلك الحصوات بالحركة داخلنا..
أكرر شكرى البالغ لكم جميعا وأتمنى أن أغيب دوما لأشعر كم أنا غاليا عليكم أيها الأوفياء..
أسأل الله دوام تواصلنا بالود و الأحترام و أسأله لكم جميعا الصحة و العافية..
أخيكم فى الله..
واحد ........وما زال من البلد دى

18 أغسطس, 2008 04:30 ص

واحد من البلد دى يقول...

الأخ الغالى و الصديق..بطوط حبوب

يا بطوط يا أخى أنا لا أصل بخرافاتى هذه إلى مستوى الأساتذة أمثال..جويدة و الأبنودى و بيرم و جاهين و سرور..
فأرجوك ما تعقدنيش و سبنى أطلق هذا (العك)عليكم وأستحملونى بقى
تحياتى لك
~~~~~~~~~~~~~~~~~~~~~~~~~~~~
الأخت الغالية..جنة

أشكر لحضرتك سؤالك عنى وأشر زيارتك و تعليقك
وأعرف حضرتك أن الأصدقاء الذين يكررون زيارتهم لى ويحرصون على التواصل معى
لهم عندى مكانة خاصة..
دمتى أختا غالية و صديقة للمدونة
~~~~~~~~~~~~~~~~~~~~~~~~~~~~~

واحد من البلد دى يقول...

أختنا الصغيرة.دواير
كيف حالك يا إسراء..
فعلا الإنسان مالوش غير ربنا ..
جربى كده لما تكونى فى قمة الزهق و الملل إنك تتوضأى و تصلى ركعتين..
والله العظيم كل الملل و الزهق حيختفى..
لأن الملل و الزهق ده من الشيطان و الشيطان من النار ولا يطفأ النار إلا الماء الذى هو الوضوء..
دمتى طيبة و صديقة دائمة
~~~~~~~~~~~~~~~~~~~~~~~~~~~~~
الصديقة الدائمة و الأخت الغالية..آبى

إزيك و إزى إسلام
سؤالكم كلكم عنى بيسعدنى جدا
والله وحشتنى التعليقات و البوستات
بس أعمل إيه؟؟
ربنا يكرمك لما تتزوجى إن شاء الله..
عايزين نشوف حتعملى إيه فى التدوين والأولاد و إسلام و البيت و الطبيخ...
كفايىة بقى مش عايزك تتعقدى من دلوقتى..
عموما أنا باشكرك جدا جدا على سؤالك و تعليقاتك
أتمنى أن أكون عند ظنكم بى
سلامى ليكى و لإسلام
~~~~~~~~~~~~~~~~~~~~~~~~~~~
الصديقة الدائمة..اهو ده عيبة
يشرفنى مرورك و يسعدنى أن القصيدة عجبت حضرتك
و سامحينى على التقصير مع حضرتك فى الزيارة..
غصب عنى و الله
تحياتى البالغة

واحد من البلد دى يقول...

و أخيرا
شكر خاص و تحية غالية إلى
مواطن مصرى نايم
الغالى إبن أختى(إسلام)
لتحمله النشر و التعليق عنى وأتمنى له دوام التفوق
وأدعو الله أن يمن عليه بحياة سعيدة ملؤها الحب و الحنان..
متشكر جدا جدا يا إسلام
ربنا يخليك لخالك
باااااااااااااااااااااااااى

مدحت محمد يقول...

حمد الله على السلامة ياباشا
القصيدة جميلة


ربنا يوفقك يارب

عاشــــــ النقاب ـقــــة"نونو" يقول...

ما شاء الله
كلمتين اد ايه جمال بجد
سلم يمناك
كل عام وحضرتك بخير وسعادة
والى الله اقرب وفي طاعته ادوم

عاشــــــ النقاب ـقــــة"نونو" يقول...

اسال الله العلي العظيم ان يشفيك ويعافيك
طهوووووور باذن الله
بالله عليك تدعيلي بفك الكرب
بارك الله فيكم

أم أحمد المصرية يقول...

تحياتي لصديقي واحد من البلد
ادام الله عليك موهبتك
و تحياتي للمواطن المصري النايم علي مجهوده و ان شاء الله اقابلك علي قهوتك قريبا :)

Amgad يقول...

مساء الخير
بجد زيارتك اسعدتني اوي
وقولت حمدالله علي السلامة انك رجعت
ورجع مبدع ماشاء الله عليك
اجمل حاجه اني بقرا القصيدة وانا في حالة زهق
ولو كنت سبتنا متعلقين كده من غير حل
كان الزهق زاد فعلا
بجد القصيدة مبدعة لاقصي درجة
وحمد الله علي سلامتك
تقبل مروري وخالص تقديري

semsema يقول...

السلام عليكم

احييك على الكلام الجميل
والمعنى الاجمل
اسلوبك حلو اوى والبوست بجد هايل
والحل اللى انت ذكرته حل جميل

دى اول زيارة ليه وهتتكرر تانى انشاء الله

تحياتى وبالتوفيق

رصيف نمره خمســــــه يقول...

الف حمد لله على سلامتك

يارب تبقى بخير دلوقتى

كفاية اننا اطمنا على حضرتك ونزلت القصيدة الجميلة دى اللى دايما كلام ملاقيش كلام ارد عليه ازاى

ربنا يشفيك ويعفيك ويعفو عنك يارب العالمين

ان شاء الله هستنى القصيدة الجديدة وان شاء الله متغبش تانى وتقوم بالف سلامة وترجع تدون وترد على التعليقات بنفسك

بدل ما اسلام احتل المددونة كده

تحياتى

فزلوكة يقول...

أولا حمدا لله على سلامة حضرتك
عرفت من التعليقات إن حضرتك كنت تعبان, فألف سلامة

القصيدة بقى
الركعتان
وقبلهما الوضوء
ربمالا يمحيان الهموم والأحزان
لكنهما بكل تأكيد يعطيانا حالة من الهدوء والسكينة تجعلنا نتأقلم مع كل هذا العبث من حولنا

دمت مبدعا يا فندم
ودامت كتاباتك تنور المدونة

ريمان يقول...

السلام عليكم

الله الله الله

جميل جميل بجد

مع تحياتى

Wael يقول...

مبدع كالعادة
وبستمتع بجد ونا بقرالك

بس ماتتاخرش علينا كتير
وفى انتظار البوست الجاى
وربنا يرجعك لينا بالسلامة (:

واحد من البلد دى يقول...

السلام عليكم

الصديق الدائم..مدحت محمد

نورت المدونة يا جميل

والله إنى أحبك فى الله

ربنا يكرمك يا مدحت ويبلغك رمضان

آمين..آمين

سلامى و تحياتى ليك

واحد من البلد دى يقول...

السلام عليكم

الأخت الغالية..عاشقة النقاب

أزاح الله عنكى الهم و الغم ونجاكى من الكرب...
وتذكرى قوله تعالى..
بسم الله الرحمن الرحيم
(قل الله ينجيكم منها و من كل كرب)..صدق الله العظيم

وأنتهزى فرصة رمضان و أدعى لنفسك و لذويكى فنحن و الله أحوج ما نكون إلى الدعاء..

دمتى بكل خير و سعادة

مشكورة على مرورك الكريم

واحد من البلد دى يقول...

السلام عليكم

الأخت و الصديقة للمدونة
أم أحمد المصرية

كل عام و حضرتك بخير و صحة وتحية واجبة لزوج حضرتك و أولادك..
مشكورة أختاه على مروركى الكريم و تعليقك..
تحياتى البالغة

واحد من البلد دى يقول...

السلام عليكم

الصديق و الضيف الكريم..أمجد

تحية خاصة لك لمرورك

أرجو تكرار زيارتك

وأتمنى لك دوام الصحة و العافية

مشكور للتعليق

واحد من البلد دى يقول...

الأخت العزيزة و الضيفة الغالية

سمسمة
وعليكم السلام و رحمة الله و بركاته

مشكورة أختاه على مرورك وتعليقك

وإن شاء الله تتكرر الزيارة

وسوف أزورك قريبا بإذن الله

كل عام و أنتى بخير

واحد من البلد دى يقول...

السلام عليكم
الأخت الغالية و الصديقة الصدوقة

رصيف نمرة خمسة

كل عام و حضرتك بخير

وأحب أعرف حضرتك إن أنا من الأول ماكنتش عارف حاجة عن المدونات و الكلام ده...
وكنت حتى لو عارف..عمرى ما أفكر أعمل مدونة..لكن الحق بقى على إسلام فضل يزن عليا زى الناموس الجبلى ...ههههههههه(مافيش حاجة إسمها ناموس جبلى على فكرة)..
يعنى هو السبب فى المدونة دى.؟.
وبعدين -وبينى وبين حضرتك-الواحد يلاقى فين إبن أخت يريحه كده..(فول أوبشن)..
عمل مدونات
تنزيل بوستات
رد على تعليقات
تنويهات و تحذيرات

مش فرصة والله..

طولت على حضرتك

كل عام و حضرتك بخير

ومشكورة جدا على حرص حضرتك على التواصل

واحد من البلد دى يقول...

السلام عليكم

الصديق الدائمة و الأخت الغالية

فزلوكة

يا أختاه ..إن الركعتان لابد أن يمحوان حالة الملل..لأن أسباب الملل كثيرة..
وبعد الركعتان من المؤكد أن الله سبحانه وتعالى سيلهمنا حلولا لهذا الملل و سوف يغفر لنا أيضا وما من سبب أدعى لزوال الملل من أن نعرف أن الله قد غفر لنا..أليس هذا سببا أدعى لإبتهاجنا..؟؟

دمتى متواصلة أختاه

وكل عام و حضرتك فى أحسن حال

واحد من البلد دى يقول...

السلام عليكم

الضيفة الجديدة و الصديقة

ريمان

زيارة مشكورة و مرور كريم

أتمنى دوام الزيارة

شرفنى مرورك

وأسعدنى تعليقك

سأزور حضرتك قريبا إن شاء الله

كل عام و حضرتك بخير

واحد من البلد دى يقول...

السلام عليكم

الصديق القريب إلى قلبى

وائل

من أكثر الأشياء التى تسعدنى على الإطلاق هو حرص الأصدقاء على التواصل..

كل عام و إنت بألف خير و صحة و سعادة

أدعو الله أن يبلغك رمضان

يسعدنى جدا مرورك و تشرفنى صداقتك

dina يقول...

اللهههههههههههههههههههه بجد بجد بوست فوق الرائع
تحياتى يا فنان

NODY يقول...

بوست لذيذ اوى بجد وحضرتك بتكتب عامى كويس اوى

Esraa Hamed يقول...

القصيدة بجد رووووووووووووعة
بجد حستها بتعبر عنا اويييييييييي

و حضرتك كمان نهتها بجد نهاية رااااااائعة

ربنا يكرمك بجد
جزاك الله كل خير

واحد من البلد دى يقول...

السلام عليكم

أختنا الصغيرة..دينا

كل عام وأنتى بخير

أشكرك على المرور و التعليق

وأتمنى أن يكون شهر رمضان شاحنا قويا لبطارية إيمانك..
بارك الله فيكى
مع خالص تحياتى
~~~~~~~~~~~~~~~~~~~~~~~~~~~
السلام عليكم

أختنا العزيزة وضيفتنا الجديدة..نودى

كل عام و أنتى بخير

مشكورة على التعليق..وأتمنى أن تكررى زيارتك إن شاء الله..
وأتمنى أن أقرأ رأيك فى الفصحى

دمتى بكل خير
~~~~~~~~~~~~~~~~~~~~~~~~
السلام عليكم
أختنا الصغيرةو الصديقة الدائمة
إسراء حامد

يسعدنى حرصكى على التواصل
وأعتذر عن تقصيرى معكى..
كل عام و أنتى بخير
أعاد الله عليكى هذا الشهر الفضيل وأنتى فى أحسن حال إن شاء الله..
لا تنسينا من دعواتك..وسائر المسلمين

دمتى بخير حال

موناليزا يقول...

جميلة البداية ووصف حالة الملل المحاط بالجميع والاجمل نهايتها
وحقا "الا بذكر الله تطمئن القلوب"

ناجي العلي 2000 يقول...

القصيدة روعة كالعادة ..... وربنا يرجع لنا واحد من البلاد دي بالف سلامة

وقلة ابو النوج بيسلم عليك :)

مجرد خواطر يقول...

السلام عليكم
اخى فى الله آسفة جدا على التقصير وعدم السؤال اتمنى من الله العلى القدير ان يكون منّ عليك بالشفاء

بجد وصفت الداء بكل مرراته ووصفت الدواء بكل حلاوته جزاك الله خيرا على التذكير وادام الله عليك روعة الابداع

آخر العنقود يقول...

بجد رائعة
وحاساها فى وقتها جدا
وخصوصا انها اول زيارة ليا هنا وان شاء الله مش الاخيرة
فعلا هوه ده احلى واسهل حل لكل حاجة
كل سنة وانتم طيبين
ورمضان كريم
تقبل مرورى

واحد من البلد دى يقول...

أختنا فى الله ..موناليزا
السلام عليكم..
لقد كان تعليقك أبلغ مما كتبت ..
أدام الله عليكى نعمة الأطمئنان بذكره..
كل عام و أنتى بخير
~~~~~~~~~~~~~~~~~~~~~
الأخ الغالى ..أبو النوج
السلام عليكم
يسعدنى جدا أن أرى لقب(أبو النوج)فى مدونتى..
كل عام و أنت بكل خير
دمت صديقا و أخا
~~~~~~~~~~~~~~~~~~~~~~~
أختنا فى الله..مجرد خواطر
كل عام و أنتى بخير
لا داعى للأسف أختاه..
يسعدنى مرورك وتعليقك...
ومن أدرى بالخلق من الخالق..
ولكن..كما قال العبد الصالح..(يا ليت قومى يعلمون)
دمتى طيبة
~~~~~~~~~~~~~~~~~~~~~
أختنا الصغيرة..آخر العنقود
السلام عليكم
شرفتى مدونتى المتواضعة.
كل عام و أنتى بخير
يسعدنى تكرار الزيارة
دمتى طيبة

Gannah يقول...

كل عام وانتم الى الله أقرب
وعلى طاعته أقدر
وكل عام وأنتم بخير
رزقنا الله العفو والمغفرة ودعوات لا ترد
لا تنسونى من صالح دعائكم
أدامكم الله لى صحبة طيبة
تحياتى

بنت مصريه يقول...

لأ فظيعه بجد رهيبه
بارك الله فيك يا استاذنا
ومتشكره جدا جدا على سؤالك
انا رجعتلكوا تانى ويا ريت تزورنى عشان تعرف سبب غيبتى

rovy يقول...

كل عام وانت بالف خير و جميع عائلتك و احبائك ..

رمضان كريم علينا جميعا ان شاء الله

خالص تحياتى و اطيب امنياتى

Esraa Hamed يقول...

كل عام و حضرتك بخييير

رمضان كريم علينا جميعا

واحد من البلد دى يقول...

أختنا فى الله..جنة

كل عام و حضرتك بخير

ومتشكر جدا على تهنئتك لى و تذكرك أخيكى واحد من البلد دى

أدامكى الله أختا غالية

وليس الداعى بأغنى عن الدعاء من المدعو له..

دمتى طيبة

واحد من البلد دى يقول...

الأخت الغالية..بنت مصرية

عودا حميدا

كل عام و حضرتك بخير

وأتمنى ألا تغيبى عنا أبدا

مشكورة على الزيارة و التعليق

واحد من البلد دى يقول...

أختنا فى الله...روفى

وأنتى بألف خير

أدام الله عليكى نعمه و وفقكى إلى حبه و رضاه

أدعو الله أن يبلغك رمضان

ولا تنسينا من الدعاء

لأمى بالشفاء و أبى بالرحمة و أنا و زوجتى و أولادى و سائر المسلمين بالهداية و الرشاد و الثبات على الدين و السعادة فى الدارين..

آمين آمين

واحد من البلد دى يقول...

أختنا الصغيرة الغالية

إسراء حامد

وأنتى بالف خير و صحة و عافية

كل عام و أنتى إلى الله أقرب وللخير أعمل و بالوالدين أبر وبعيدة عن كل شر..

آمين آمين

حسن محمد توفيق يقول...

مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

Soooo يقول...

كل سنه وانت طيب يا واحد مالبلد دي
وربنا يشفي مرضاكم ومرضانا ويرحم موتاكم وموتانا

وتسلم ايدك على الكلام اللي كتبته




سلامووووووووووووز

إيمان عاطف دياب يقول...

دعوكم اللجنه المصريه لفك الحصار عن غزه واللجنه الشعبيه لفتح معبر رفح لتلبيه نداء الدكتور حمدي حسن والحمله الشعبيه لكسر الحصار عن غزه ..
للخروج في قوافل بإتجاه معبر رفح من أجل رفع الحصار عن غزه .
وقد أعلنت اللجنه المصريه لفك الحصار عن غزه عن التحرك بقافله من أمام نقابة الصحفيين بالقاهره يوم الأربعاء 10 رمضان الموافق يوم 10 سبتمبر بإتجاه معبر رفح .. علي أن يكون موعد الإنطلاق في تمام الساعه 6 صباحا مباشره .
* نرجو ممن يود المشاركه الإتصال باللجنه علي الأرقام التاليه للحجز من أجل توفير أماكن و أوتوبيسات للجميع
* الإشتراك بالقافله ب 30 جنيه للفرد الواحد
* نرجو الإتصال بالأرقام 0105805657 - 0106832876 من أجل الحجز وتوفير أوتوبيسات للجميع
* من يستطيع القدوم بمساعدات مهما كان حجمها نرجوا إحضارها معه وسيتم إرفاقها بالأوتوبيس لتوصيلها للقطاع إن شاء الله
* عنوان نقابة الصحفيين بالقاهره : 3 شارع عبد الخالق ثروت ( المتفرع من شارع رمسيس) - منطقه الإسعاف - محطه مترو جمال عبد الناصر ( خلف دار القضاء العالي )
الأربعاء 10 رمضان - 10 سبتمتبر
الساعه 6 صباحا
أمام نقابة الصحفيين بالقاهره
قافله بإتجاه قطاع غزه المحاصر
للحجز والإستعلام والمعلومات
0105805657 - 0106832876
فاكس:0223623935

دار العين يقول...

على مدونة دار العين للنشر
_ جمال الغيطاني : "امبارح راح فين ؟" هو السؤال الذي شغلني منذ الطفولة
_ حديث علاء الأسواني عن مشكلة انفصال المثقف عن الواقع
_ حدوتة من كتاب " المرأة والحدوتة "
http://ainpublish.blogspot.com
........
نرحب بتعليقاتكم واستفساراتكم
سواء عن الكتب الصادرة عنا أو عن سياسة النشر

عبد الحميد محمود يقول...

أسلوبك الجميل البسيط المباشر

فكرني بعمنا بيرم التونسي

ربنا يرحمه

انت فعلا شاعر محترم مالك لأدواته

اتمنالك التوفيق

ولكني أعرف ..

أن الشعراء لا يخجلون من أسمائهم

Beram ElMasry يقول...

اخى
دعانى الى مدونتك الصديق مواطن مصرى ، ولاحساسى بسلامة ذوقه دخلت اليك قبل الرد عليه ، فصليت فى مسجدك وركبت قطارك ، فاجهدنى الزحام ، لكن
ياتزنق فى جارك
ياما ح تتاخر
وكله بخيارك
اما الطريق هيكونله بالاكيد اخر
شكرا لك وللصديق مواطن مصرى

فارس بلا جواد يقول...

سعيد جدا بزيارتي الأولي لمدونة حضرتك
وبتكون سعادتي اكبر لما الاقي صاحب المدونة شخص موهوب مثلك
عجبني قوي الشعر العامي بتاعك .. في براعة وتحكم
الاوزان المظبوطة والمعني العميق في نفس الوقت بتدل علي انك شاعر كبير
سعيد اني عثرت علي مدونتك وأتمني لو تسمح لي اضيف رابط مدونتك عندي
تحياتي

بنت مصريه يقول...

فين جديدك يا استاذنا

فيه فطار ف ساقيه الصاوى للمدونين يوم الجمعه الموافق 26
يا رييت تنورنا
لوعايز التفاصيل فى مدونه عليا حليم
http://www.blogger.com/profile/07939244575100207924

مجداوية يقول...

السلام عليكم
كل عام وأنت بألف خير وعيد سعيد ان شاء الله ولى عودة للقراءة بتمعن

Gannah يقول...

كل سنة وانت طيب اخى الكريم
مبروك الشكل الجديد للمدونة
حلو بوستر لا للكوسة
نتمنى ان تعود لتكتب بكثافة
عيد سعيد
تحياتى

أحمــــد يقول...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن عليكم جميعا

rovy يقول...

اخى الفاضل
كل سنه ونت طيب
عيد سعيد عليك و على كل الامه ياارب

و ربنا يوفقك و ييسر لك الامور ان شاء الله ..

بوست جميل جدا كالعاده و كلنا مفتقدين وجودك ..
تسلم اخى الفاضل و يسلم لنا قلمك

تحياتى

وينكى يقول...

صديقى العزيز
كل سنه وانت طيب
مقدره مشاغلك ومقدره حالة الزهق اللى انت فيها
ألم البعد عن الاحباب وحش
بس عملت طيب انك جمعتنا
وشكرا لمواطن مصري نايم انه نزل البوست
خليك مع ربنا على طول وهى تفرج
طمنا عليك على طول

engy يقول...

البوست رائع
وان شاء الله مستنينك
ربنا معانا كل سنه وانت طيب
تحياتى

prince4ever يقول...

جميل جدا يا برنس
روعه في اختيار الالفاظ العاميه المعبره بجد و في منتهى الجمال و الاحساس الصادق واللي يحسسك بالاصاله بجد
كل سنه وانت طيب
تحياتي يا برنس
رامي

enjy يقول...

الله حلوة قوى

الفارس الملثم يقول...

انا بقالي فتره كبيره اوي محتش المدونه هنا , يمكن لانك انت كمان برده اختفيت فجأه وحتي انتاجك الادبي قل اوي

بس بجد لما قريت القصيده دي حسيت كاني بقرا لاحد فطاحل الشعر العامي , بجد هي اكثر من رائعه من غير مجامله

طبعا قبل ما امشي احب اقلك كل سنه وانت طيب وعيد يحمل مزيد من السعاده ليك

تحياتي وتقديري

NoNa يقول...

روعه بجد حاله ملل احسن مافيها انك ختمتها بركعتين
هما دول الوصفة السحريه التريح من اى هم وزهق

مبروك على ديزين الجديد جميل اوى

rona يقول...

تحياتى ليه
البوست رائع بجد

غير معرف يقول...

福~
「朵
語‧,最一件事,就。好,你西...............................................................................................................................-...相互
,以讓>它使...................