قطر الحياة
يا قطر معصوب العنين
ماشى على قضبان
مكسّرها الزمن
بتتوه ساعات بين السكك
وساعات تكون
من غير دكك
وسألت.ليه القطر ده جواه زحام؟؟
قالوا إن فيه التذكرة
ملهاش تمن
إكمنه ماشى و ِسكّته
قضبان مكسّرها الزمن
فيك اللى ينزل ناس كتير بتوصّله
ولو عزيز غالى
ساعات بتحصّله
وناس ساعات تركب و تنزل
من سُكات
وعمرهم ما قالوا يوم
القطر فات
عدوا المحطات و السلام
كان السكوت
زى الكلام
وسألت تانى..
لمّا جيتوا دفعتوا كام؟؟
قالوا يا افندى التذكرة
ملهاش تمن
و القطر ماشى وسِكّته
قضبان مكسّرها الزمن
فيك اللى كرسيه جلد
مليان ريش نعام
فيك اللى واقف يغلى
من كُتر الزحام
فيك اللى راكب و السلام
من غير سبب
فيك اللى مرتاح
واللى ميّت م التعب
فيك اللى نايم فوق حرير
فيك اللى مش عارف ينام
لو حتى فوق لوح من خشب
فيك اللى بان
بره البيبان
ده الأولعوبان
يظهر فى ثانية و تلاقيه
فجأة احتجب
الخاين اللى لا عمره كان
على سر قلبك يؤتمن
والقطر ماشى و سِكّته
قضبان مكسّرها الزمن
اصرخ يا ناس
القطر ده رايح لـفـيـن؟؟؟
وإزاى قدرتوا تصبروا
جواه سنين
قام رد واحد قال
نصيبى وقسمتى
والتانى قال
مستنى تييجى محطتى
رد اللى فوق الكرسى
قال..دا دنيتى
ضحك اللى واقف من سنين
قال اصله قاعد من زمن
و التذكرة ملهاش تمن
والخاين إزاى يؤتمن
والقطر ماشى ولسه برضه سِكّته
قضبان مكسّرها الزمن
إمتى......
يصلّحها الزمن..؟؟؟
ماشى على قضبان
مكسّرها الزمن
بتتوه ساعات بين السكك
وساعات تكون
من غير دكك
وسألت.ليه القطر ده جواه زحام؟؟
قالوا إن فيه التذكرة
ملهاش تمن
إكمنه ماشى و ِسكّته
قضبان مكسّرها الزمن
فيك اللى ينزل ناس كتير بتوصّله
ولو عزيز غالى
ساعات بتحصّله
وناس ساعات تركب و تنزل
من سُكات
وعمرهم ما قالوا يوم
القطر فات
عدوا المحطات و السلام
كان السكوت
زى الكلام
وسألت تانى..
لمّا جيتوا دفعتوا كام؟؟
قالوا يا افندى التذكرة
ملهاش تمن
و القطر ماشى وسِكّته
قضبان مكسّرها الزمن
فيك اللى كرسيه جلد
مليان ريش نعام
فيك اللى واقف يغلى
من كُتر الزحام
فيك اللى راكب و السلام
من غير سبب
فيك اللى مرتاح
واللى ميّت م التعب
فيك اللى نايم فوق حرير
فيك اللى مش عارف ينام
لو حتى فوق لوح من خشب
فيك اللى بان
بره البيبان
ده الأولعوبان
يظهر فى ثانية و تلاقيه
فجأة احتجب
الخاين اللى لا عمره كان
على سر قلبك يؤتمن
والقطر ماشى و سِكّته
قضبان مكسّرها الزمن
اصرخ يا ناس
القطر ده رايح لـفـيـن؟؟؟
وإزاى قدرتوا تصبروا
جواه سنين
قام رد واحد قال
نصيبى وقسمتى
والتانى قال
مستنى تييجى محطتى
رد اللى فوق الكرسى
قال..دا دنيتى
ضحك اللى واقف من سنين
قال اصله قاعد من زمن
و التذكرة ملهاش تمن
والخاين إزاى يؤتمن
والقطر ماشى ولسه برضه سِكّته
قضبان مكسّرها الزمن
إمتى......
يصلّحها الزمن..؟؟؟
.jpg)
83 قول رأيك:
انا جى احجز اول تعليق وبعد كده هقرا البوست واعلق
بعيد عنك الاول دى مش بتتكرر كتير
روعه
بجد جميييييييييييييل جدا
رغم ان الفكرة اتعملت كتير لكن وصفك للقطار واللي راكبينه جميل جميل بجد
ومش عارفة اختار جزء معين عجبني و لان كل ما يعجبني جزء القي اللي بعده احلي منه , بس يمكن الحوار اللي دار بينهم هنا مميز جدا وخصوصا انه بين الناس بتكر ازاي في حياتها
اصرخ يا ناس
القطر ده رايح لـفـيـن؟؟؟
وإزاى قدرتوا تصبروا
جواه سنين
قام رد واحد قال
نصيبى وقسمتى
والتانى قال
مستنى تييجى محطتى
رد اللى فوق الكرسى
قال..دا دنيتى
ضحك اللى واقف من سنين
قال اصله قاعد من زمن
لك خالص تحياتي وتقديري علي العمل الرائع
واقف يا قطر مستني فى مكاني
يمكن الاقى الزمن اتعدل
والناس شالت الوشوش
وحالها اتعدل
حته خرفاني منى تسلم ايديك بجد على الجمال ده
جامدة جامدة
بس حزينه اوى بتوصف حالنا فى الدنيا كلنا مستنين كلنا واقفين على المحطة
وربنا يسهل والقطر يجى قبل مايفوت الاوان
تحياتى لك ولكلماتك الجميلة
كلماتك روعة بجد
واسمح لى أستئذنك إن كلامك أوحى لى بالآتى:
"القطر ده كده من عصور
ولما تخلص سكته يرجع يدور
وفى سؤال
عمال يدور جوا الصدور
القطر ده مين سواقه
عمال يلف طول الدهور"
انت جميل اوى ومبدع يا عمنا
بجد
جميل اوي المعني ده وكلماتك رائعه كما اعتدنا منك
هي الحياه فعلا كده وكل واحد ليه محطه بينزل فيها ,الناس المرتاحين في القطر بيبقوا مش عاوزين ينزلوا , وفي ناس اجمل لحظة ليهم لما محطتهم تيجي
تحياتي
محمد
جميل جدا الشعر ده ... زي الي قبله والي قبلة
بس دة انا عشت معاه اكتر شوية مش عارف لية
يمكن حسسني بهوان الدنيا الي احنا فيها ... ؟؟؟
مش عرف
بس حقيقي روعة
دمت بمدعا
:)
وعمرهم ما قالوا يوم القطر فات
عدوا المحطات والسلام
كان السكوت زى الكلام
-----------------------------------
قطارك يا سيدى وصف حالنا فى الدنيا وحالنا فى مصر واعتقد اننا وصلنا لمرحلة فعلا بقى معظمنا بيعد المحطات والسلام وبقى السكوت زى الكلام
بوست جميل ولكن القضبان لن يصلحها الزمن لانه برىء من تكسيرها...نحن الذين اهملنا اصلاحها
بحثت عن نفسى بين ركاب القطار...ترى من أنا بينهم؟
تحياتى
يا عم انا مش حقول حاجة اكتر من اللى اتقال
بس عشان انت خالى بس
حقولك اقطع لى تذكرة معاك
بجد بجد بجد..........قصيدة رائعة جدا جدا جدا.وسعيدة اوي ان اول حاجة اقراها في مدونتك كانت القصيدة دي....ولو ان تقريبا معظم كتابات حضرتك واضح انها حلوة لاني قريت كتير منها.....ولاني طبعا مش هعرف اعلق عليهم كلهم..فهقول اكتر اجة عجبتني واللي كنت لوقت طويل جدا شايفاها شيئ يستحيل تحققه وهي ان الواحد يكتب فصحى وعامي وباتقان رائع...لسة من شوية بس كنت بشوف حلقة للشاعرة ايمان بكري وقعدت اسال ازاي بتقدر تكتب عامي وفصحى بالبراعة دي.بس لما جيت المدونة هنا.اكتشفت انها مش لوحدها اللي بتقدر تعمل ده........
تحياتي لشاعر رائع........
الله عليك بجد
مش لاقيه كلام اقوله
هى دى الدنيا فعلا زى ما وصفتها وكلنا ركاب وطريقنا محسوب بالخطوة
بجد هايلة جدا واحييك عليها
ودمت مبدع دائما
أقسم بالله العظيم هقول الحق
جميلة جداااااااااااااا
وأحلى حاجة "التذكرة " ملهاش تمن
وصف حضرتك للبشر والمستويات الإجتماعية المختلفة , والناس إللى بتموت وتسيب أثر
والناس إللى بتموت ومنفتكرهاش وحتى منعرفهاش
بجد تحفة
سؤال بقى
ليه حضرتك متجمعش الأشعار دى فى ديوان
دا هيحفظها أكتر وكمان ناس أكتر هتقرأها
بجد تستحق ديوان
ابدعت كعادتك
تقبل مرورى و تحياتى
rovy
السلام عليكم
قد تكن التذكرة من غير ثمنل ل
"اللى كرسيه جلد
مليان ريش نعام"
ولل
"اللى مرتاح"
ولل
"اللى نايم فوق حرير"
ولل
"اللى فوق الكرسى"ورد
"قال..دا دنيتى"
اما بالنسبةل
"ناس ساعات تركب و تنزل
من سُكات
وعمرهم ما قالوا يوم
القطر فات
عدوا المحطات و السلام
كان السكوت
زى الكلام"
واللى
" واقف يغلى
من كُتر الزحام""واللى ميّت م التعب"
فكل لحظة تمر عليهم بيدفعوا فيها الثمن
يا عم هو انت تغييب تغييب
وتيجى بالقنبله دى
ايه الكلام الجميل ده
فعلا زى ماتكون بتوصف حال الدنيا والبشر اللى فيها
الله عليك
احييك
يا عم هو انت تغييب تغييب
وتيجى بالقنبله دى
ايه الكلام الجميل ده
فعلا زى ماتكون بتوصف حال الدنيا والبشر اللى فيها
الله عليك
احييك
يا عم هو انت تغييب تغييب
وتيجى بالقنبله دى
ايه الكلام الجميل ده
فعلا زى ماتكون بتوصف حال الدنيا والبشر اللى فيها
الله عليك
احييك
رووووووووعة بجد
بجد كتابات حضرتك و اسلوبك اكتر من رااائع
دمت بتألق
السلام عليكم
الأخ الغالى ..عمرو النوبى
موضوع أول تعليق أو أخر تعليق ده ما يفرقش معايا خالص...
كفاية مرورك و تعليقك
دمت بخير
السلام عليكم
الأخت..سنو وايت
يسعدنى مرور حضرتك و تعليقك
ويسعدنى أكثر تفهمك لماهية القصيدة
دمتى بكل خير و تمنياتى بدوام التواصل إن شاء الله
السلام عليكم
الصديقة و الأخت الغالية
آبى
إزيك و إزى الأخ إسلام
حلوة آوى الحتة الخرفانى بتاعتك دى
تسلم إي حضرتك على التعليق الجميل
سلامى ليكى و لإسلام
السلام عليكم
الأخت الغالية
رئيسة حزب الأحلام
يا عزيزتى إننا لسنا فى إنتظار القطار و لكننا بداخله فعلا
ويمكن حضرتك ما ركزتيش فى القصيدة كويس
عموما...
ربنا ينزلنا من القطر ده على خير إن شاء الله و تكون محطتنا الأخيرة بيضاء...
تحياتى لحضرتك
دمتى بكل خير
السلام عليكم
الأخ العزيز..قلب مصرى
كلام حضرتك مظبوط لكن هذا القطار بالذات هو الوحيد الذى إذا ما وصل إلى النهاية لا يمكن له أن يدور أبدا
دمت بخير يا عزيزى ولا داعى لإستئذانك
فهى مدونتك أنت و كل الأخوة و الأخوات المدونين
تحياتى لشخصك الكريم
السلام عليكم
بطوط حبوب
إنت اللى جميل يا بطوط
ربنا يخليك
وحياتك إبقى طمنى عليك بالنسبة لإمتحاناتك..
ربنا يوفقك يا جميل
دمت صديقى
السلام عليكم
عزيزى و أخى الغالى
الفارس الملثم
طبعا يا عم محمد إنت تذوقت القصيدة تمام
علشان كده تعليقك كان فى الصميم
تحياتى ليك يا باشا
وإبقى زورنا يا عم من غير بوستات
دمت بخير
السلام عليكم
صديقى الدائم الغالى على قلبى
ناجى العلى (أبو النوج)
دايما و الله تعليقاتك بتكسفنى
وطبعا أنا عارف قد إيه إنت فنان علشان كده بتحس الشعر آوى
ربنا يخليك على كلامك الجميل يا باشا
دمت صديقى
السلام عليكم
الأخت العزيزة..جنة
يسعدنى أن أستطيع وصف الحال كما يراه
المتلقى..وخاصة عندما يكون المتلقى على درجة حضرتك من الفهم و التذوق..
ولكننى لم أستطع تقديم كل النماذج خوفا من الإطالة
لذلك..ربما لا تجدين نفسك بين الركاب
أصلح الله لكى الحال وجعلكى أحسن الركاب
دينا و دنيا
دمتى بخير
السلام عليكم
حبيب قلبى و إبن أختى الغالى
مواطن مصرى نايم
و أقطع لك تذكرة ليه يا سلومة
ما انت بقالك عشرين سنة راكب
إنت مش حاسس و الا إيه؟؟؟
سلامى للجميع
السلام عليكم
ال×ت الصغيرة..دواير
والله يا أخت إسراء يسعدنى أن أكون قد أستطعت أن أصل بشعرى المتواضع إلى حسك الفنى
ويسعدنى جدا تواصل حضرتك و أرحب بكى فى أى وقت
وأقبل أراء الجميع..لأنها فى النهاية مدونتكم إنتم
تحياتى ليكى
وشدى حيلك فى الدراسة...
الدراسة أهم من أى حاجة
ربنا يوفقك
الأخت الغالية و الصديقة الدائمة
اهو ده عيبه
مش لاقيه كلام تقوليه ليه؟
هو الكلام خلص..؟؟
آمال الحكومة بتجيب الكلام منين.؟؟
عموما انا باحييكى على إحساسك
وباشكرك على ذوق حضرتك فى التعليق
دمتى بكل خير
السلام عليكم
الأخت العزيزة
فزلوكة
بصراحة .كلام حضرتك و تحليلك للقصيدة عجبنى جدا..
وبالنسبة للديوان..
حرام عليكى.
الناس ذنبها إيه تقرا (العك)اللى انا باكتبه.
خلينى كده مدارى وسطكم
دمتى بكل خير
السلام عليكم
الأخت الغالية
روفى
دمتى صديقة دائمة
وشرفتينى كالعادة بتعليقك و مرورك
وطبعا مرحبا بكى أى وقت
تحياتى البالغة
الصديق-أو الصديقة-
مجرد خواطر
وعليكم السلام و رحمة الله و بركاته
أرجو معذرتى إذ لم أتبين ماهية حضرتك إن كنت ذكر أم أنثى -لا من التعليق أو البروفايل الخاص بحضرتك-فأرجو الإيضاح فى المرة القادمة حتى أستخدم ألفاظا مناسبة....
بالنسبة إلى من يدفعون الثمن ..
فالكل يا افندم يدفع الثمن..
فاللى ميت من التعب و أمثاله يدفعون الثمن من الغربة فى الوطن و التفكير فى لقمة العيش و ما شابه...
وصاحب الكرسى الجلد يدفع الثمن من التفكير فى كيفية الحفاظ على هذا الكرسى و كيف يصبح المليون ملايينا و من سيأتى يوما ليغتاله و من يكيد له ليأخذ مكانه..
فالثمن يا افندم ليس ثمن التذكرة التى تعنى الوجود فى الحياة و لكن الثمن هو بقائنا فيها..
فليس للإنسان أى ذنب فى وجوده فى الحياة كما أنه لا يملك أبدا الخروج منها..
فالكل يدفع الثمن و لكن على قدره
يسعدنى تواصلك
السلام عليكم
المتواصلة الدائمةو الأخت العزيزة
بنت مصرية
حضرتك كده حتخلى أمريكا تييجى تفتش بيتى ..
قنبلة إيه يا افندم..
اللى انا كاتبه ده تقدرى حضرتك تسميه(بمبة)من اللى بيلعبوا بيها الأطفال فى رمضان
حضرتك بس عايزة تجاملينى
عموما انا دلوقتى بقيت منتشى جدا و ممكن أخلى التعليقات بعد كده بالحجز
ههههههههههه
دمتى أختاه بكل خير و مشكورة على مجاملتك الرقيقة
السلام عليكم
أختنا الصغيرة الغالية
إسراء حامد
تعليقك مع أنه يتسم بالقصر فى الكلمات إلا أنه يحمل بين حروفه معان كثيرة..
يسعدنى أننى أتفهمها
دمتى أختاه بكل الخير
ملحوظة.
طمنينا على نتيجتك فى الدراسة
بالتوفيق إن شاء الله
خلاص بقى
معدش تاني يفيد كلام
القطر ماشي بسرعته
وخلاص خرج من عالقضيب
سواقه باع كل اللي فيه
ولا عاد يهمه بياع سميط
ولا حد من ركابه المطحونين
والكل مستني النهايه
وقرر يغمض العنين
استاذي الجميل
ادخل هنا لأنهل من بحر ابداعك
وجمال اسلوبك
رعاك الله وحفظ قلمك
اول لما قريت كلامك اللي ف الاول بجد اتقفلت وقولت ايه العرور ده وهو يا تري كاتب ايه وكنت لسه هقفل المدونة
ابتديت اقرا في الشعر لقيت فؤاد حداد بيكتب بجد يا بني انت معجزة
السلام عليكم
على فكرة انا مش ضد اللى حضرتك كاتبه انا بالعكس تماما انتظر ميلاد قصيدة جديدة هنا وكل يوم القى نظرة علّنى اجد جديد
اما عن حضرتك مش عارف انا صديق ام صديقة فانا بصراحة استغربت لأن استهلال حضرتك فى التعليق عندى كان"السلام عليكم
ليه كدة يا اخت بس؟!"
اما عما قصدته هو ان الناس الغلابة اوى المتبهدلين فى الدنيا فبيدفعوا حتى ثمن حاجة ملهمش ذنب فيها الا وهو وجودهم فى الحياة مجرد رأى قد يكون يعنى القليل وقد لا يكون له اى قيمة على الإطلاق
أوعى تقولي انك انت اللي راسم الصورة ممكن يغم عليا
مش محتاج اقولك ان النضوج واضح جدا
جميله بجد :)
وعجبي
كلام جميل معبر اوي
تحياتي
بسم الله الرحمن الرحيم
كلام جميل
ورموزه حلوة معبرة ,
فكرتنى بكلام كتير رموزه مشفرة
للحاج بيرم وفكلام الشيخ أمين
حقيقى قل لى أنت مين ؟
أشكرك على زيارتك لمدونتى
http://ommee.blogspot.com
وأخبرك بأن الجزء الثانى تم عرضه
جميع الركاب يحلمون بالوصول
ولكنه كحلم فى العاصفه
من نافذه القطار كل يخرج رغباته
يشعر نفسه وحيد
يقتات السعادة كما الخبز المبلل بالماء
لم يعلم ان نافذه القطار ستغلق فى يوم من الايام
فهل سيعيش يكمل الطريق بلا حلم
ام مع بدء اغلاق نافذه القطار تنتهى الرحلة ويلحقها انتهاء الروح
ياعني انا ناقص يا استاذ :D
اولا بشكرك علي زيرتك ليا في المدونة
ثانيا اية الكلام الجميل دة بس
ربنا يكرمك ديما علي طول يا ريس و يحفظك
الله علي هذه الكلمات المعبرة
دام قلمك يمتعنا
===========
لك منى شكر خاص على القصيدة التى تركتها لدى فقد كان لها مذاق مميز حقا
بورك قلمك
اهو الدنيا دى فعلا عاملة زى القطر
اسلوبك كالعادة روعة بجد
الزمن مش هيصلحها الناس اللى راكبين هم اللى المفروض يصلحوها
بجد بجد بوست يجنن و مؤثر جدا و الله ... تشبيه الحياة بالقطر و الناس اللى فيه هما الناس اللى فى الحياة جميل
ابدعت
الكلمات اكثر من رائعة
ايه هو البوست الجديد فين انا كل يوم باجي ابص
لعل المانع خير
شديده ..
تحياتى ..
أسامة أمين
و سالت ليه القطر ده مليان زحام
قالوا التذكرة فيه ملهاش تمن
رائع كالعادة حقول ايه بس
انت خسارة فى البلد يا واحد من البلد
:)
خير الكلام ما قل ودل
بجد كلامك روعة جداً
ومدونتك أكيد أروع إن شاء الله هابقي أقراها علي رواقه
الله ايه الابداع والجمال ده فعلا الدنيا زى القطر الناس جواها بتختلف بين مرتاح وشقى بس المشترك بنهم هى محطة الركوب وهى ساعة الميلاد ومحطات الموت وكل واحد بينزل فى محطته
دمت مبدعا
تحياتى
السلام عليكم
ازيك يااستاذى
ايه الجمال ده وامته فعلا يعدلها الزمن
انا اتأخرت اوىىىىىى سامحنى
بس البوست تحفة انت دخلت الدنيا وحالها فى القطر تسلم ايدك
تحية شحط محط ههههههه
اتأخرت قوى فى البوست الجديد
ادعوا الرحمن ان يكون المانع خير
اية يا عم ..... انت هاجرت ولا اية
فين اشعارك الجميلة ... حقيقي اشتقت لها
اوعي تكون قررت تعتزل التدوين .....
ازعل منك قوي
:)
واحد من البلد دى
عندما احب ان اقرا عامية
ااتى الى هنا
والله ليست بمجاملة
كلما ادخل المدونة
ياتينى قدرا شعر عامية_بالرغم من اانى لست بهاوية له_والتدوينة اللى قبلها تكون بالفصحى
وكان القدر يريد اظهار العامية لى لاحبها
بصدق
معنى رااااااااائع
تشبيهات
فكرة
رااااائعين
دمت بقلمك هذا
حافظ عليه
وزد فى جودته
ابشروا .. هنقفل المدونات ونقعد فى البيت
يوم الاربعاء 9/7/2008
فى المصرى اليوم كتب الاستاذ / مجدى الجلاد عن مشروع جديد
لتقييد الحريات واليكم المقال
---------------------------------------
قانون «ذبح» الفضائيات .. والـ «فيس بوك»!
ادعوكم لبحث هذا الموضوع الخطير قبل فوات الاوان
رائع رائع و معبر جدا لدرجة اني مش لاقية كلام يوصفه
انت لخصت الدنيا بسلاسة غير عادية
ربنا يديم عليك الموهبة
WHER R U
فين جديدك
يا عمونا
انا مستنى الجديد
مع انى زعلان منك
مستنى الجديد
اكرر مرورى
وتقديرى
ذكرتني كلماتك بكلمات كنت كتبتها قبل كدة
القطر ماشي في طريقه علي محطاته بيقف
لا يوم بيتأخر ولا في يوم بيقف
إلا في نهاية السكة لما الشريط بيقف
يومـها تقوم النـاس و تقـــف
و تودع القطر اللي كان بيجي و يقف
كلماتك جميلة اوي اوي وفيها نظرة عميقة احيك عليها و اوزانك جميلة
دمت مبدعا
تحياتي
الله عليك
بسم الله ماشاء الله على دي كلمات وعلى الحاله وعلى الفكره نفسها
يسلم لسانك وعقلك وقلمك .. او كيبوردك
سلامووووووووووز
مستنيه الجديد على نار
هو بقى الغياب طبعك يا رب تكون بخير والاولاد
فين الجديد
فين الجديد
و الا اسيح لك يا ابو مودى
و اقول انك اول امبارح كنت فى اسكندرية عشان فرح
بقى تروح فرح و مش فاضى تنزل بوست
و بعدين فرح مين اللى انت روحته
عموما عقبال الواد مودى
اللى كان مقطع نفسه رقص
هههههههههههههههه
يالا بجد يا خالى عاوزين حاجة جديدة
أخى الكريم
كيف حالك؟
لعل المانع خير
اتأخرت علينا قوى
تحياتى
السلام عليكم
انت فييييييييييييييييييييييييييين؟؟
مستنيه الجديد يارب تبقة بالف خير
سلام
يا جماعة انا مواطن مصرى نايم
ابن اخت واحد من البلد دى
هو بيبلغ الجميع انه بيخير الحمد لله
بس هى زحمة الشغل اللى مخلياه متأخر عليكوا بس
هو بيبلغكوا انه ان شاء الله يومين او تلاتة بالكتير
حيرجع ان شاء الله
و بيشكركوا كلكم على السؤال عليه
انا بلغته انكم بتسألوا عليه
تحياتى
اسلام
بجد انا جاية ومكسوفة اني مقصرة معاك
معلشي سامحني اني مقصرة بس والله ظروفي مكنش عندي نت
المهم انا جيت اطمن عليك واسلم
وليا عوده تاني
لك كل التحية
رودي
واحد من البلد دى
اللى هيا القطر زى ما فهمت
اكيد فى يوم هينصلح حال القطر
وتتصلح كراسية
تحياتى
بجد بجد اكثر من رااااااااااااائع
ربنا يباركلك يااااااااارب
بجد تسلم
فين الجديد
وصف رائع لكل أنماط البشر في الحياه ..حقيقي جميله
بصراحه كتاباتك كلها جميله
تحياتي لموهبتك
تحفة تحفة بجد وكلامك رائع فعلا وخاصة "اصرخ يا ناس القطر دة رايح لفين؟وازاى قدرتوا تصبروا جواة سنين....... لحد الاخر
بجد تحفة جدا
يا واحد من البلد دي
لو كل الي في البلد دي
بيحسوا و يكتبوا زيك
كان الحال بأه غير الحال
يا جماعة
يا جماعة
يا جماعة
البوست خلاص عالابواب
انا معايا البوست بس ناقص
قريب جدا حينزل
=====================
دى حتة حصرى من البوست
=====================
حالة ملل ..حالة زهق
و كلام معاند فى الورق
حتى القلم نفسه معاديك
و تقوله اكتب ابوس ايديك
يبصلك بصه ف عينيك
معناها اولع و اتحرق
حاله ملل..حالة زهق
=====================
انتظروا البوست
قريباااااا
ان شاء الله
السلام عليكم و رحمة الله و بركاته
أشكر الله العلى القدير أن َمن على بأصدقاءغاية فى الرقة و الأدب و الأحترام...مثل حضراتكم...
أتوجه بالشكر إلى كل من كلف نفسه تحريك أصابعه على الكيبورد ليكتب لى تعليقا أو يسأل عن سبب غيابى...
و أخص بالشكر كل من كرر الزيارة و السؤال كلاً بأسمه...
وأنا و الله لم يمنعنى عن حضراتكم إلا أسبابا قوية تتراوح ما بين العمل و الأولاد و البيت و و و و هكذا
ولأن ذلك الوقت من السنة يعتبر هو موسم عملى كتاجر حر..
فأرجو من حضراتكم أن تلتمسوا لى العذر و تسامحونى على تقصيرى فى الكتابة أو الزيارة و أنا أعلم جيدا كم أنتم متفهمون لمثل هذه الأوضاع..
وأنا أكتب لكم الأن و الله و أنا مريض ..
فأسألوا الله لى الشفاء العاجل و لا تنسونى من دعائكم..
ولا تقلقوا على فهى لا تتعدى بعض الحصوات بالكلى و لكن الله المستعان على ذلك الألم الرهيب الذى يشعر به المرء عندما تتفضل علينا تلك الحصوات بالحركة داخلنا..
أكرر شكرى البالغ لكم جميعا وأتمنى أن أغيب دوما لأشعر كم أنا غاليا عليكم أيها الأوفياء..
أسأل الله دوام تواصلنا بالود و الأحترام و أسأله لكم جميعا الصحة و العافية..
أخيكم فى الله..
واحد ........وما زال من البلد دى
اكتر واكتر واكتر من رائع
إرسال تعليق