عتاب..؟
ياللى إنت جاى بتقوللى قريت البوست يا عم
هوه البعــيد يعنى يا اخويا ده ما عندوش دم
علشان يجرح كده فى الناس وف أشعـــارهم
طب جاى بتعلق ليه ف بلوجى وليه مهتم ؟
أصل اللى بيسرق مجهود غيره ده يبقى حمار
بقــى زى الكــلب اللـى مرابـط عنـد الجــــزار
مســــتنى يحــن ويرمــى له حتـــة عضـــمة
آهى عضـــمة لكن بالنســبة له زى الكافيـــار
ممكن أوقــات بتشــوف كلمة قلمى راصـدها
لكن مش ممكن يعنى باكون برضه قاصدها
واللى بيقــرا دايمــا مش زى اللــى بيكتــب
مش كل ما هتشوف بقى كلمة تييجى صايدها
ده توارد فكر وصورة ومعنى..دى منظومة
وانا كده لله راح اقــولك بقى على معـلومـة
انا عازرك طبعا.....بس أقولك على حـاجة
(الذمة..خلاص..حصلت على لقب...(المرحومة
.jpg)
72 قول رأيك:
يا نهار انت هزئته ليه كده مين عمل كده بس
تصدق موضوع بيقرف ويضيق السرقه ده
بس بلاش تشبيه بحيوان
معلش قولى عليه وانا اضربه
تانى تعليق يا ماااااااااااان
هلف وارجع تانى
بص انا حاسه ان الذنب عليا انى نزلتك فى لوحه الشرف قامت البنت المصريه تقريبا والله اعلم قالت ان اشعارك هى اشعار احمد نجم
انا اسفة والله
وكان فى شويه تسرع من البنت المصريه
لكن بردة اشعارك بتمتعنى
تمام الله ينور
احلى رد
و جاى فى الصميم
سلامى ليك يا باشا
و فكك من اى تعليق ميعجبكش
appy..على فكرة أنا ما قصدتش حد معين..أنا قصدى على كل من يسرق إبداع غيره..وأنا مبدأى(أن تصاحب مبدعا خيرا لك من أن تسرق إبداعا)..وكلنا يا عزيزتى..مبدعين فى مجال ما..ولكن قليلون من يعرفون أنفسهم...أسعدنى حرصك على المشاركة.دمتى صديقة
صحفية روشة...لا تشعرى بالذنب أختاه..إن حرصك على نزول تدوينتى فى لوحة الشرف هو شرف لى ...ولا يعيبك حرصك على مجاملة الأصدقاء...وأنا بقدر ما أغضبتنى التعليقات التى تنسب شعرى إال العملاق أحمد فؤاد نجم..بقدر ما تسعدنى جدا وتضيف أوسمة إلى صدرى ..دمتى غاليتى متواصلة
مواطن مصرى نايم..لا أستطيع أن أهمل تعليقاوأحب أن أضع الأمور فى نصابها..(إيه رأيك فى نصابها دى)هههههههههه إنت إبن إختى وعارفنى يا حبيبى..سلام يا سكر
بيتهيألى عيب قوى انك تنعت حد بالكلب وازا كنت زعلان منى فى شىء لايعطيك ادنى حق انك تشتم لان ده مش اسلوب لاى تفاهم وعلى العموم ربنا يوفقك
انا اسفه يا استازنا انا مش بحب ازعل حد منى واتمنى تنورنى وتكتب كل التعليقات اللى انت عايزها اشتم براحتك يا عم بس متزعلش منى
بالله عليك يا سيدى ماتزعلش يا سيدى هو احمد فؤاد نجم ييجى جمبك ايه هههههههههههههه
على فكره انا مستنيه ردك على الكلام ده لانى انا كمان اتضايقت منك وزعلت قوىلما قولتلى انك سمعت كلامى قبل كده
الغالية.بنت مصرية..إنتى فهمتى غلط..لأن الأخ مشربية هو من نعتنى بالكلب عندما قال فى تعليقه لكى(الكلاب تنبح والقافلة تسير)..فأنا كنت أذكره بأنه سبنى دون سبب كنوع من التأنيب لكننى لا أسب أحدا مطلقا وعندما قلت أننى قرأت كلامك قبل ذلك.فقد أوضحت لكى أننى قرأته عندك أنتى وأرجو أن تقرأى تعليقى فى مدونة الأخت(صحفية روشة)..سأظل متواصلا معكى دائما...دمتى صديقتى
كلمات رائعة و معبرة فعلا عن حالة الجوع الفكري و التقام اي جديد للاتهام و النشر بغير حق
اوروفوار
بنت مصرية...الكلب الذى أقصده فى قصيدتى ..ليس شخصا بعينه.فأخلاقى لا تسمح لى بذلك..ولكننى قصدت كل من هو سارق لإبداع غيره..أردت فقط أن أوضح..دمتى صديقة
الغالية.طهقانة..أعتقد أن هذا هو السبب الذى منحكى لقب طهقانة..دمتى متواصلة
على فكره مشربيه ده انسان محترم جدا بس هو يمكن بيقدرنى شويه انا اسفه معلش للمره العشرين
ويارب ماكنش من الاعداء
هههههههههه
بنت مصرية..طبعا إنتى قاعدة دلوقتى أمام الكمبيوتر و فاضية..زى حالاتى (آحيانا قليلة)..وأنا أحب أن تكونى صديقتى..وإن تأخرت فى الردود بعد الآن ...بيكون لأنى ساعات باكون مسافر بالأسبوع وما بحبش أقعد على النت غير فى البيت..وإنتى مش محتاجة تعتذرى..كفاية حرصك على التعليق باستمرار..ولى الشرف أن تكونى صديقتى...مبسوطة..وبالنسبة للأخ(مشربية)فقد صار صديقا أيضا..دمنا أصدقاء
جميلة جدا ..ومعبرة بجد عن الموقف ..بس هو مين الى عمل كده ..ما علينا ..
اهم حاجه انك مبدع ..حتى فى هجاء السارقين :)
والسلام ختام
اه على فكره انا و واحد من البلد دى اتصالحنا كان فيه سوء تفاهم هو اللى عمل القلبه دى
الشيطان بقى تقولى ايه
ابن لزين وانا بقدم اعتزارى ليه فى مدونتك
لانى محبش حد يزعل منى
دة الكلام اللى بعتتهولى بنت مصرية
اظن كدة بقة خلاص
صافيه لبن
حليب يا اية؟
باقولك وماتزعلش مني : لا تهدر طاقتك في معارك لا تستحق وانا فهمت كده انه رد خاص جدا لحد هو عارف نفسه.ز عموما الموهبة واضحة وربنا يسدد خطاك
وشكرا على مرورك الكريم..
زيانور
أيه يا عم ده
شعر ده ولا خناقة
:)
كبر دماغك ... لوعايز تحافظ على حقوق الملكية .. أكتب اسمك الحقيقي على شغلك
خالص تحياتي
زيانور..أنا لا أهدر طاقتى ..بس والله أنا لا أحب أن يفهمنى أحد غلط..وحبيت أرد بقصيدة تكون هى أبلغ رد...أشكر لك مرورك وتضامنك..دمتى أختا غالية
المبدع.ياسر حسين..والله يا آخى الموقف أستفزنى آوى..تصور أنا بقالى كتييييييير باكتب وعمر ما حد قاللى أنا قريت الكلام ده قبل كده..عموما إحنا إتصالحنا(أنا ومن قال لى ذلك)..وإنت خدتنى فى الكلام.ونسيتنى أرحب بيك يا جميل...مرورك شرفنى ونورنى
صحفية روشة...خلاص يا جميل..حليب يا إشطة...وأشكرلك تدخلك ..يا صديقتى العزيزة
الجميلة..سمر..ربنا يخليكى ..وما اتحرمش ابدا من وقفتك جنبى يا باشا...منورانى
حليب يا قشطه يا صحفيه انتى جادعه بجد انك بتحاولى تصلحى
ومعانا عالخط ربنا يكرمك
السلام عليكم اخى الكريم
انت موهـــــــــــــــــــــوب
كلامك غاية فى الجمال
وأول مرة أدخل مدونة شعر وأقراها كلها فكلامك سلس وغير ممل ودمه خفيف وجرىء وكلام موزون ومفهوم وله فكر عالى وبسيط وخطير ومن كل ما سبق اذن أنت
موهــــــــــــــــــــــــــوب
تحياتى وتقديرى
مجداوية...هذا الإطراء أنا لا أستحقه..تعليقك أخجلنى بشدة..دمتى متابعة وصديقة
انا قلقت قبل ما اقرا الكومنات
كنت هكتبلك هم وصولولك
"حراميه فى بلوجر "
اصل اكتر من واحد كتب عنهم
ربنا يبعدهم عنا
ودمت لنا مبدعا
كلمات جميلة والله بغض النظر عن الموقف " طالما انتهى على خير الحمد لله "
بس عموما
عجبنى اوى
ده توارد فكر وصورة ومعنى..دى منظومة
وانا كده لله راح اقــولك بقى على معـلومـة
انا عازرك طبعا.....بس أقولك على حـاجة
(الذمة..خلاص..حصلت على لقب...(المرحومة
فعلا الذمة حصلت على لقب المرحومة
ربنا يرحمها ويحسن اليها
دمت بخير اخى مبدعا
سالى
بطوط حبوب..متشكر يا جميل على تعليقك..بس أنا ماوصلش عندى حرامية...لأ..ده انا اللى كنت متهم بالسرقة...نورتنى يا باشا
Om Dodo 7abiby..شكرا جدا على مرورك الدائم...دمتى مساندة لى..تحياتى لكى
مش هاقول غير برافوا عليك انك بتحول المواقف لاشعار و دة نفس الكلام اللي قلتلة لبنتت مصرية قبل كدة و انا بالنسبة لي دي بتكون شطار انك تحول موقف او اي حاجة سواء حلوة او وحشة الي الاجاب استمر و احنا معاك
و متشكر قوي ثاني مرة
العزيز..مشربية..أشكر لك مرورك الدائم..زيارتك أسعدتنى
فعلا عندك حق
مشكلة ان حد ياخد مجهود وابداع غيره ويضيفه لنفسه
اهو ده الكلام
بجد الموضوع اتنشر بطريقة فظيعة ايوة كده يستاهل
اولاا / كلمات جميلة بجد وفكرة البوست رائعة
عارف صوابع ايدك مش زى بعضها
وفى ناس مخها صغير
ربنا يوفقك
فى انتظار جديدك
تحياتى
اخى الكريم
حصل خير يا جماعة روقوا و صلوا على رسول الله
احنا دايما بنتسرع فى احكامنا و لا يجب ان نتهم احد بدون دليل فكلمة سرقة كلمة كبيرة حتى لو كانت سرقة فكرية
على العموم انت رديت رد عملى بقصيدة مناسبة جدا
منتظرة زيارتك لمدونتى
تحياتى
أهو ده عيبه...
مرورك مشكور .وإن حد ياخد إبداع غيره..نقول عليه.إييييييه(هو ده عيبه)دمت صديقى
ـــــــــــــــــــــ
موناليزا..
والله ما كنت عايز اكتب كده..بس أعمل إيه.حطى نفسك مكانى..نورتينى
ـــــــــــــــــــــ
تامر نبيل..زيارتك الأولى تستحق ترحيب خاص..مرورك مشكور أخى..أرجو دوام التواصل..
ــــــــــــــــــــ
جنة...
مش بزمتك ده أبلغ رد...شكرا لمرورك يا جميل..انا رايح حالا اهوه لمدونتك
هوه ده عيبه..
أكرر إعتذارى عن خطأى فى التعليق..
تقبلى آسفى ...دمتى صديقة للمدونة
انت تقصد مين قولى بس
وانا اخدلك حقك
تحيااااتى
وخف شوية
هههههههههههههه
انا بالنسبة ليا مشفتش حد سرق مني حاجة , امتي الواحد يشتهر ويتسرق كدههههههه
انت بجد من اكتر الناس اللي بتكتب شعر سياسي وعامي قوي جدا ومتميز جدا
تحياتي
محمد
دعاء مواجهات..شرفنى مرورك و تعليقك....بس أنا أحب أوضح لحضرتك إنى أنا اللى أتهمت بالسرقة ..فحبيت أرد رد عملى على من يتهمنى بقصيدة تبين رأيى فى من يسرق مجهود غيره...سلامى ليكى
الفارس الملثم...دايما منورنى كده..وبتخجلنى بتعليقك...تسعدنى صداقتك
على فكره اشعارك جميله جدا
وهدى اعصابك يا عم شويه
ومضايقش نفسك
بدل ما كنت تكتب
كل ده
كنت تكتب
اللى بيسرق هيخش النار
شفت سهله ازاى
السلام عليكم
الحمد لله انا مسرقتش حاجة انا برئ يابيه وتحياتى لك كلماتك جميلة واسلوبك لذيذ
رئيسة حزب الأحلام..أنا جيت أفتح البلوج بتاعى ..؟؟لقيته منور زيادة عن اللزوم..وبعدين لما شفت تعليقك عرفت السبب...نورتينى بجد
حلوه اوى بجد بس تصدق بجد حاجه تضايق اوى ان حد ياخد مجهود حد
حلوه اوى المدونه بتاعتك
باااااى
نوناااا
ااااااااااااااااااه المدونين وقعو في بعض
بس بغض النظر .... القصيدة جامدة
زي ماعودتنا
أول مرة ادخل مدونتك ..
كتاباتك كلها جميلة اوووى ما شاء الله
ربنا يبعد عننا كلنا الحرامية ..
لأنها بجد بتبقى حاج تنرفز اوى لما حد ياخد افكار حد تانى و ينسبها لنفسه ..
تحاتي ليك و اكيد هزور مدونتك تاني
أنا أغيب عن المدونة يومين أرجع ألاقي الدنيا مقلوبة ؟
بصراحة انا مش عارف التفاصيل ، بس أكيد صاحب المشكلة مايستاهلش أشعار حضرتك العظيمة
مع خالص حبي واحترامي وتقديري
ايه يابن خالي مين اللي سرقك
قولي قوام على فكر يضايقك
وانا اجيبه من قفا اهله
واقولو في ثانيه يرجع حقك
----
يابن خالي اللي بيسرق ده مش فاهم
فاكر نفسه صايع ولافف وهارش وشامم
مع انه لو فكر شويه لوحده بعقله
هيلاقي انه اهبل وعلى نفسه ضاحك وخامم
----
سلامووووووووووووووووز
شكلك اتقرصت ربنا يكون في عونك
ادعوك لزياة مدونتي
السلام عليكم ورحمة الله وبركاته
موفق جدًا في كلماتك
وفعلا من يكتب يختلف تماما عن من يقرأ
ولو كل واحد عرف اللي بيكتب بيتعب ازاى كي يخرج شيء ما يريد التحدث عنه لما سرق مجهوده ابدًا
اخى العزيز
اشك انك من البلد دى
انت اكيد من البلد التانية
معقول واحد شاعر زيك يقول حمار وكلب وحاجات من دى فى كلماته الجميله حتى
لو اغضبك البعض لابد ان نترفع عن الرد على هؤلاء
ولا انا غلطان ؟
ارجوك لا تغضب منى فانا صريح وبصراحة كنت ناوى مكملش بعد كلمة حمار بس ربنا ستر علشان استمتع بما كتبت
شكرا لك واتمنى ان نتواصل دائما
وسعيد بزيارتى لمدونتك
فتافيت.
شكرا للمرور والكلام الجميل ده ..دمتى صديقة
ـــــــــــــــــــــــــــ
ناجى العلى.
المدونة نورت يا جميل.مرورك أسعدنى
ـــــــــــــــــــــــــــ
yukiأتمنى أن تدوم زيارتك..وتشرفينى أى وقت
ـــــــــــــــــــــــــــ
أشرف باشا
والله أنا مش مصدق عنيا..بس يا ترى قريت كل البوستات اللى فاتت حضرتك..دول بهدلونى من بعدك يا باشا...مرورك أسعدنى
ـــــــــــــــــــــــــــ
soooooo
مش عارف فيه إيه والله...شوية واحد يقولك إن إنت دمك مش خفيف وإنه بيضيع وقت سيادة جناب حضرته فى مدونتك...وواحد يقوللى إن الشعر ده مش بتاعك...مش عارف آخرتها إيه...؟؟؟يارب ما يطلعلناش واحد زى عماد حمدى فى الخطايا ويقوللى إن حسن يوسف هو اللى إبنى...مرورك يشرفنى يا باشا
إبراهيم.
أنا رايح حالا لمدونتك..شرفتنى يا جميل
ـــــــــــــــــــــــ
جيهان على.
مش عارف أقولك إيه على كلامك الجميل ده..نورتى المدونة
ـــــــــــــــــــــــ
حسن توفيق.
أنا ما غلطش فى حد على فكرة الهجاء ده مش لحد معين..ده لأى واحد بيسرق مجهود غيره...وبالنسبة للألفاظ..لو حضرتك إتضايقت..أنا آسف..بس لو تكرمت وقريت الزجل بتاع أستاذنا وعمنا بيرم التونسى أو أحمد فؤاد نجم...حتلاقيهم بيكتبوا ألفاظ أسوء من كده بكتييييييير..والزجل ألفاظه غير الشعر إطلاقا...لأنه كلام(عامى).وألفاظ العامة تختلف من شخص لآخر(أى أنها لا يوجد فيها ثوابت ..كاللغة العربية)...دمت زائرى وصديقى
اول مرة هطلب زيارة محتاجه جدا جدا اجابات على البوست الاخير بمدونتى
شكرا
كلمات جميله و حتى فى عتابك فنان
جميل قوى الشعر لما نوظفه فى مكان
خصوصا موضوع البوست والسرقه والضمير اللى غاب او نام ويارب تصحيه كلماتك
اسعدنى مرورى ودمت بخير
خالص تقديرى وتحياتى
rovy
كلمات حلوة يا باشا ....
بس صحيح ..بتاعت التنبيه الى فوق
هيأخذ كام سنة سجن الى هينقل ؟؟!!
ههههههههههه
تشكر ياباشا للبوست الحلو دا
ابقا تعالى شوف أول بوست بعد الحداد
أخووك
صحفية روشة.
أنا رايح حالا لمدونتك..وأنا أقدر أتأخر يا جميل
ـــــــــــــــ
Rovy.
أنا كان لازم أزورك لأنك من أصدقائى الأعزاء..فلا داعى للشكر..نورتينى يا سكر
ــــــــــــــ
إخوانى حتى النخاع.
أنا مش عارف العقوبة إيه؟؟؟بس إنت بالذات أنا مطمئن من ناحيتك...الإخوان مش حرامية..سلام يا باشا
فعلا حكاية السرقة دى تخنق
ولكن
اكيد بنت مصرية غلطانة انها علقت بالطريقة دى كان المفروض تكتب اللينك وتقول هنا مسروقلك شعر بس متعلقش بالطريقة دى وعلى فكرة لانى بعزك من اول مرة دخلت مدونتك ودايما اول مدونة بفتحها اشوف اخبارها ايه انى مرضتش ادخل عندها او اعلق على الرغم انها معملتش فيا حاجة وحشة بس حسيت ان واجب عليا انى معلقش عند مدونة اساءت فى تعبيرها عنك ده لانها ممكن كانت تسئ لاى مدون مش انت بس
ولكن برده
هى اعتزرت كام مرة وده كفاية واقبل اعتزارها اوك
انما انت بقة محدش يقدر يجى حمبك امل المدونين الجدعان فيــــــــــن
ودمت المدون المصرى اللى مالبلد دى
تحياتى
تعرف السرقه دي في كل حته عيني عينك أنت مره واحد عمل مدونه كامله بأسمي بس بالعربي ونقل بوستاتي وبقي يدخل يشتم في البلوجرز كله بأسمي
رصيف نمرة خمسة.
ماتعرفيش تعليقك أسعدنى إزاى..وعرفت إن ورايا(آنسات)ههههه.لكن بنت مصرية هى دلوقتى صديقة عزيزة..والموضوع كله كان سوء تفاهم-وليس سوء فهم-بس أنا كده إطمئنيت على نفسى وعرفت إن ورايا مدونيين ياخدولى حقى...متشكر يا جميل على الكلام الأجمل...دامت صداقتك
ده مين اللى عمل كل ده
والله النت ده لامم بلاوى مع كامل احترامى للناس المحترمة
تلاقى واحد معندوش دم داخل يشتم فى الناس ويرمى بلاه عليهم والجميل انه بيدخلك بانونيمس
ربنا يشفى يارب
معلشى ياباشا كلنا لها انت مش شوفت اللى جرى عندى ولا ايه
عموما كله خير
وانا اسفه لعى اى سوء فهم والله انا كنت بتسفسر بس على معنى الكلمة
صافيين ؟؟؟؟؟؟؟؟
مكسوفة.
أنا عايز أعرف والله هما بيعملوا كده ..لييييييييه؟؟؟؟؟عموما زيارتك نورتنى..دمتى صديقة
ناس مريضة بعيد عنك
شاور عليه يا مصري وانا هضربهولك بالرصاص .. الي فكر يمد ايده على افكار واحد غيره
ولا تزعل نفسك ياحبي
حلووو جدا الشعر
و المدونة كلها ما شاء الله جامده جداا
ربنا يوفقك ,,
اول زيارة و ان شاء الله مش الأخيرة
سلام
بجد تعجز الكلمات عن وصف هزه الابيات
اقول ابداع ولا سكر نبات
ولا التمايل ف النغم بين الابيات ورقه الاحساس ف القافيه بالزات
ايه رأيك تيجى ننسى اللى فات
ونرجع تانى زى الاخواتولا هى يعنى كانت خالتى وخالتك واتفرقوا الخالات
يا عم يلا محدش واخد منها حاجه كلنا ف الاخر اموات
ولينا الجنه ازا نسينا اللى فات
ونعيش كلنا تانى ف تبات ونبات
وليك منى خالص التحيات
مكسوفة.
متشكر جدا على الزيارةو التعليق..دمتى صديقة..
ـــــــــــــــــ
أحمد مبارك..
إنت صديق عزيز وكل حاجة و ربنا ما يحرمنيش من مساعدتك..وده العشم برضه..بس أقولك على حاجة.؟؟؟نفسى تخلى إسمك (أحمد...و..بس)أصلى متعقد..هههههههههههه تحياتى ليك
ــــــــــــــــ
بونجو..
المدونة نورت يا باشا ..وفى إنتظار المزيد من الزيارات
ـــــــــــــــــ
بنت مصرية.
إيه يا جميل الشعر الحلو ده.؟إنتى كده حتخلينى أقفل المدونة وأحول عليكى كل الأصدقاء بتوعى...إنتى مش صديقة وبس ...إنتى من أغلى الأصدقاء
يا حبي انا موجود و مستني الجديد و ربنا يقويك انشاء الله
قطة الصحراء.
آسف إنى ما ردتش عليكى بس والله ما أخدت بالى أصلى كنت متنرفز...تحياتى يا جمييييل و دايما كده منورانى
مبدئياااااااااااا
الكلام زى العسل طبعا
لكن مش ممكن امشى م غير بجد
مارفع القبعه ليكم واحد واحد
واحد م البلد دى
بنوته مصريه
صحفيه روشه
لانكم بسم الله ماشاء الله
ربنا يباركلكم مثال جيد ع التربيه الجيده فعلا وخارجين م بيت طيب
وعندك سلام نفسى رهيب حتى ف حل مشكلاتكم
تحياتىىىىىى
إرسال تعليق