حبيبتى
يا مصر ياللى التاريخ ســطر علـى جبيـنـك
العــمـر يخـلــص ولا يخـلــص مـحـبيــنـك
من بص ف عنيكى بصة تسحريه على طول
يتــمـنى لو يبـقى زرعــة نابـتــة من طـيـنـك
سألونى يعنى إيه مصـر؟ومصـر إيه يعـنى
أنا قـلت حضـن ودفــا و صــدر شبعنى
وإيدين بتاخد عزا و زغروطة يوم فرحى
ولما اقـــول الآه مـيـن غـيرها يســمعـنى
أنا مصر عندى مش ملوك وقصور وسجادة
دى مصر شنجى وبرنجـى وكنـجى وبيــادة
وفانوس ف إيد طفلة أول ليلة من رمضـان
دقــت عـلى البـاب قـالـتــلى . إدينـا العــادة
العــمـر يخـلــص ولا يخـلــص مـحـبيــنـك
من بص ف عنيكى بصة تسحريه على طول
يتــمـنى لو يبـقى زرعــة نابـتــة من طـيـنـك
سألونى يعنى إيه مصـر؟ومصـر إيه يعـنى
أنا قـلت حضـن ودفــا و صــدر شبعنى
وإيدين بتاخد عزا و زغروطة يوم فرحى
ولما اقـــول الآه مـيـن غـيرها يســمعـنى
أنا مصر عندى مش ملوك وقصور وسجادة
دى مصر شنجى وبرنجـى وكنـجى وبيــادة
وفانوس ف إيد طفلة أول ليلة من رمضـان
دقــت عـلى البـاب قـالـتــلى . إدينـا العــادة
أنا مصرعندى مش تراب ولا أهرامات واقفين
دى مصر دى محمد وزيزو وإبراهيم وحسين
وعــم حـنـا اللى قـاعــد يشــرب القـهــوة
ويقول ما تييجى تتغلبلك عشرة و الا إتنين
مصر اما ييجى الشــتا لحـاف يغطيــنى
وف حمتى كمـادات باردة على جبيــنى
و اسم الله يا ابنى لما اقع و إيدين تقومنى
وجــرس وجنبه الآدان للخــير يناديــنى
دى مصر ريحة العنب ونخيل بلح أبريم
وصلاح وبيـرم وعبـده ونجـم ويا حليــم
وثــومة والنقــشـبـنـدى لو يقول مولاى
يحسسك أد إيه ربك غفور و رحيم
ياللى إنت ناكر لخيرها روح وسيبهالنا
دى العيشة لو جوه عشة فى مصر تحلالنا
بلـدنا.بنحـبها والحــب ما يعــبنــاش
لكن يعيبنا السكوت على وضعنا وحالنا
ياللى إنت راكب حصان واخد وراك إتنين
واخد حبيبــتى معـاك.طيب واخـدها لفين؟؟
ما اقدرش اشوفك و اسيبك تمشى على كيفك
ما اقدرش اكون فى الدنيا دى عايش كده بوشين
دى حبـيـبـتى لـو تبتسـم الدنيـا تـبقــى ورود
وانا حبـى ليها ما تقــدر يـوم تحــده حـدود
حافضـل محـوط عليـها بقلـبى وجنـاحــى
ويا تبقى حرة يا فى ترابها ياكلــنى الدود
دى مصر دى محمد وزيزو وإبراهيم وحسين
وعــم حـنـا اللى قـاعــد يشــرب القـهــوة
ويقول ما تييجى تتغلبلك عشرة و الا إتنين
مصر اما ييجى الشــتا لحـاف يغطيــنى
وف حمتى كمـادات باردة على جبيــنى
و اسم الله يا ابنى لما اقع و إيدين تقومنى
وجــرس وجنبه الآدان للخــير يناديــنى
دى مصر ريحة العنب ونخيل بلح أبريم
وصلاح وبيـرم وعبـده ونجـم ويا حليــم
وثــومة والنقــشـبـنـدى لو يقول مولاى
يحسسك أد إيه ربك غفور و رحيم
ياللى إنت ناكر لخيرها روح وسيبهالنا
دى العيشة لو جوه عشة فى مصر تحلالنا
بلـدنا.بنحـبها والحــب ما يعــبنــاش
لكن يعيبنا السكوت على وضعنا وحالنا
ياللى إنت راكب حصان واخد وراك إتنين
واخد حبيبــتى معـاك.طيب واخـدها لفين؟؟
ما اقدرش اشوفك و اسيبك تمشى على كيفك
ما اقدرش اكون فى الدنيا دى عايش كده بوشين
دى حبـيـبـتى لـو تبتسـم الدنيـا تـبقــى ورود
وانا حبـى ليها ما تقــدر يـوم تحــده حـدود
حافضـل محـوط عليـها بقلـبى وجنـاحــى
ويا تبقى حرة يا فى ترابها ياكلــنى الدود
.jpg)
83 قول رأيك:
بجد جميلة
كلام روعة
و معنى تحفة
و كمان مليانة معانى ما بين السطور
مواطن مصرى نايم...يا باشا إنت أثبتلى إنك صاحى جدا....علشان المعانى اللى بين السطور.....دى كفاية منك..متشكر يا جميل
اهلا يا واحد من البلد دي قصيدة جميلة جدا .. لانها تتحدث عن الواقع والذكريات بعيدا عن "الاكلشيهات" المعتادة بس فيه مقاطع روعة وقمة ف الاحساس ومقاطع ان ضحكت علينا فيها - يعني لو تسمح لي يعني- مقطع يلي ناكر خيرها مباشر قوي وقطع فجاة التفق الجميل للصور الرائعة لمصر من اول القصيدة لانه خطابي شوية وبعدين ترجع تاني في المقطع الاخير للصور الجميلة..
على فكرة انا كنت قريت ف كتاب اسمه فنون الادب الشعبي لاحمد رشدي صالح موال يشبه كتير اول قصيدة لك في التركيب لو مهتم اكتبه لك المرة الجاية (اه ناوية اجي تاني بعد اذنك يعنيّّ!!!)
نور وزياد..والله يا أخت بصراحه أنا ما عرفش الأستاذ احمد رشدى ده خالص...ولو فيه تشابه فى المعانى...لأنى بيتهيألى إن مافيش شاعر بيكره بلده...والمباشرة فى (ياللى إنت ناكر لخيرها)مقصودة لأنها موجهة لشخص معين...لا يحتاج إلى عبارات منمقة لتوصيل المعنى إليه...دمتى زائرتى.ومرحبا بكى متى أردتى
بجد انت يا بني فنان , رباعيات ولا اروع ,ولما بقلك انت خليفة صلاح شاهين مفيهاش اي نوع من المجاملة, وياريت فعلا تنشر اعمالك الرائعة دي
تحياتي وتقديري
محمد
جامده بجد تسلم ايدك
بس هو مش راكب حصان
لانه مش فارس هو ممكن راكب
دبابه ولا حاجه لانه مجرم حرب
بس يعني ايه سنجي وبرنجي وبياده
تحياتي
تحفة بجد
أدام الله ابداعك ورُقيك للأبد
وفقك الله دائما لكل ما يحبه ويرضاه
دمت بخير اخى
::سالى::
ياسلام والله فعلا أحترمتك لما قريت القصيده ، عبرت عن كل اللي جوايا تجاه مصر الحبيبه
على فكرة انا قصدت بالموال الموال الشعبي التراثي والكتاب كان دراسة في فن الموال ووارد طبعا التاثر بالمورث الشعبي انا ما قصدتش نقد بقدر ما قصدت انك متواصل مع الموروث .. لا تؤاخذني وشكرا لردك الجميل..
زيانور
السلام عليكم
أنا كنت أتمني أقرأ القصيده دي من 100 سنه ، يااااه مصر فعلا اتغيرت كتير ، لو تسمحلي اقول ان دي بقت قصيده وهميه لحب اختفي وراح واتحط مكانه لا مؤاخذه صرمه او شبشب لكن برضه عمرنا ما نكره طينها ولا هواها ولا ميتها .... ربنا يصبرنا أو يأخد ....
((( يا مصر ياللى التاريخ ســطر علـى جبيـنـك
العــمـر يخـلــص ولا يخـلــص مـحـبيــنـك ))))
*****************************
والله العظيم الكيبورد تعجز عن وصف جمال القصيدة دي ...... انا تنحت قدمها ....
مش عارف هتصدقني ولا لأ لما اقولك ان عيني دمعت من جمال المعاني :(
والصورة الي انت حاططها معبرة جدا .... هي دي مصر الحقيقية يا اخوالنا ...
إية الروعة والجماال دا كلوو بس
لالالا بجد كلام تحفة ومعبر اوى وخصوصا انة عن حبية قلبى الاولى الى محدش عارف قيمتها
انت عديتنى بكتير كماااااان
اوعى تقوول كلمة مش معبرااك دى تانى؟؟
اوكيهااااااات
ربنا يحميك يا واحد م البلد دي
ويحمي دماغك ولسانك اللي قال دي
فكرتني بالكلام اللي قالو نجيب سرور
بس خلي بالك لا تنتهي زي ابو شهدي
مصر اللي جابت رجال زي الورد والياسمين
ويحموها لو طلبت الروح ويفدوها بنني العين
مصر اللي قالو عنها ولاده
لسه ولاده وولادها اهم عايشين
-----
حلو قوي يا واحد
ومعلش حاولت اعلق بحاجه تستاهلها
لكن لساني خطرف بالحاجتين دول بس واللي مايجوش حاجه جنب حاجاتك
ربنا يحميك
سلامووووووووووووووز
فكرتنى برباعية جاهين
يا بلدى يا حبيبتى فيكى حاجه محيرانى
احساس الكلمات جميل
تحياتى
الله عليك بجد انت فعلا واحد من البلد دي بلدنا احنا مش بلدهم هما ان شا الله انت تعيش في حرية و هما اللي ياكلهم الدود
كلام جميل. انا جديدة فى عالم المدونات بس اكتشفت ان اللى عايز يعرف اد ايه المصريين بيحبوا بلدهم لازم يدخل عالم المدونات و يشوف و يقرا.
لك تحياتى و تقبل دعوتى لك لزيارتنا
"دى حبـيـبـتى لـو تبتسـم الدنيـا تـبقــى ورود"
كلام جمييييل ورقيق
انت فعلا اثبت انك
واحد من البلد دي
مافيش كلام يتقال
كفاية كلامك الجميل
وتشبيهات الروعة
تسلم ايدك وتسلم على ابداعك :)
بسم الله ما شاء الله
اخيرا قريت شعر بجد
ده مش كلام هواه
ده عاشق محترف في حب مصر
تحياتى
إيه الكلام الحلو دا ؟؟
بجد شعر حلو أوى أوى أوى أوى أوى
أبقا تعالا شوف آخر بوست ...
أخوك
الله عليك
بحكم اني مسافر ومتغرب حسيت قوي بالكلام ده وعمق معانيه
لسه كنت امبارح بافكر لو كتبت غنوة لمصر أو عن مصر هاقول أيه جديد
لقيت عندك الجديد وحاكي كل الذكريات
خالص تحياتي
بجد بجد الكلام هايل
مصر فعلا طول عمرها فيها خير واحسن بكتير من اماكن تانية بس اللى بيخلينا نحس بغير كده قساوة بعض ناسها
وظلمهم لغيرهم
العيب مش فى مصر العيب فى اللى بيكرهونا فى مصر بافعالهم
الله عليك وعلى عرضك لحب مصر
يمكن انا مقدرتش اوصف حبى لمصر وانت وصفتاه احسن وصف بجد جميلة جدا جدا جدا
اتمنى كل اللى بيسافر ويسيب اجمل واحن بلد فى الدنيا دى (مع كل الظروف هتتصلح بايدينا ) يقرا كلامك ده وهو هيغير فكره
ربنا يوفقك انت تستاهل كل خير
ايه يا ابو مودى
انت فين ؟
لما تيجى ابقى رنلى
سلملى على مودى
ايه شنجى وبرنجى وكينجى وبيادة دى؟
هو انا ماليش فى الشعر بس مش عارفة حسيت انها بتشدك عشان تقراها بجد حلوة جدا
بجد الشعر ده جميل جدا
بس فيه حاجه مفهممتهاش
مين زيزو محمد وحنا دول
الغالى على قلبى.الفارس الملثم...مشكور مرورك وتعليقك..وانا لا زلت مصر على اننى لا أرتقى إلى مرتبة العملاق..صلاح جاهين....دمت متواصلا
mady
اولا شكرا على لزيارة والتعليق
و ثانيا معنى
كنجى و شنجى و برنجى
هم مواعيد تسلم فترات الحراسة فى الجيش
اما البيادة فهى حذاء الجندى فى الجيش
و سلامى ليكى
سالى
شكرا على الزيارة والتعليق
و يا رب متنكنش الزيارة الاخيرة
سلامى ليكى
مكسوفة
شكرا على احترامك مع وعد بالتعبير عن كل اللى انتى حاسة بيه فى القصائد اللى جاية
ام نور
نورتينى بالزيارة
انا لما علقت عليكى كنت قاصد اوضح لك انى لم اقرء لاحمد رشدى او لغيرة من الكتب
التى تتناول دراسة الشعر و ان كل ما قرأتة لاساتذتى كان شعرا صريحا
يسعدنى ان ترسلى لي هذا الكتاب إن امكن
و تحياتى لنور و زياد
محمد انور
حب مصر مش ممكن يختفى من قلب اى مصرى
اما بقى لو انت حاطط صرمة يا ريت تكون ايطالى عشان تليق بالبلد
سلامى ليك
ناجى العلى
ربنا يخليك يا جميل
دايما منورنى بالتعليقات
و بتحرجنى بالمجاملات
و انا مصدقك ان عينك دمعت و انت بتقرأ
لان انا عينى دمعت و انا بكتبها
بس الحمد لله ان دموعك ما نزلتش على الكيبورد بلته
سلامى ليك يا باشا
دعاء مواجهات
شكرا بجد على الكلام الجميل ده
و الله مش عارف اقولك اية يا استاذة
سلامى ليكى و لا تحرمينى من زيارتك
سووووووو
شكرا لك على التعليق الجميل ده
و شكرا على الزيارة
و تحياتى ليك
cat
شكرا لك على الكلام الجميل ده
و شكرا على الزيارة
و سلامى لكى
ام احمد
بجد مش عارف اقولك ايه
على الكلام الحلو ده بجد ربنا يخليكى
تحياتى ليكى
جنة
اولا شكرا على التعليق
و ربنا يوفقك فى التدوين
و انا رايح حالا اشوف بلوجك
سلااااااااااااام
امل
شكرا لك على التعليق الجميل ده
و شكرا على الزيارة
و تحياتى ليكى
نونا
شكرا ليكى بجد على التعليق الجميل ده
و شكرا على الزيارة
و يا رب دايما منورانى
الباحث عن الحقيقة
بجد تعليق اخجلنى
و يا رب دايما منور البلوج بتعليقك
سلامى ليك
اخوانى
شكرا يا جميل
و حاضر انا رايح اشوف البوست اهوه
سلامى ليك
ياسرحسين
نورت البلوج
و ربنا يخليك على المجاملة دى
و شكرا على الزيارة
تحياتى ليك
اهو ده عيبة
نورتى البلوج
و فعلا كلامك صحيح 100%
و ربنا يخليكى
و شكرا على الزيارة
رصيف نمرة 5
شكرا جدااااا على التعليق الجميل ده
و يا ريت كلامك ده فعلا يتحقق
تحياتى ليك
مواطن مصرى نايم
انا اهوه برد عليك من عندكم فى البيت وانت جنبى
حاضر حسلملك على مودى
موناليزا
شكرا على الزيارة والتعليق
اما بالنسبة ل
كنجى و شنجى و برنجى
هم مواعيد تسلم فترات الحراسة فى الجيش
اما البيادة فهى حذاء الجندى فى الجيش
و سلامى ليكى
اوعى تفكر
شكرا ليك على التعليق
اما بالنسبة لزيزو و محمد و حنا
دول يعنى الوحدة الوطنية
سلامى ليك
ويا تبقى حرة يافي ترابها ياكلني الدود...
بجد كلمات رااااااائعة...على السطور وما بين السطور..ومن الآخر مشلاقية كلام يوفيها حقها...
زيارتي الأولى..تقبل مروري..
مشاء الله اسلوبك انت عارف رئي فيه
بيفكرني بي صلاح جاهين
واحترت ارد عليك بي ايه ملقتش غير كلامه هو
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام عجبي
دائما في تقدم
كل التحية لك
رودي
غير اسم البلوج من واحد من البلد
الى روائع الكتابه
بوست مش قادرة اقول عليه غير انه ممتاز
العزيزة.دواير...أشكرك شكر خاص..لأنها أول زيارة..وأتقبل مرورك دائما ...بس على الله ما تزهقيش من كتر القصائد..سلامى ليكى
بنوتة مصرية..أشكرك جدا على المرور..وأجمل ما فى تعليقك أنه...رباعية لعملاق على أعمال قزم...تقبلى تحياتى
صحفية روشة..والله أنا أقدر أغير إسم البلوج لكن حاخليه...واحد تحت أمرك..وأوعدك بالمزيد من القصائد..مشكورة جدا
دى مش حروف بتنكتب
دى معزوفة حب
فى حب مصر
انت رائـــــــــــع
انا قريت الكلام ده قبل كده على فكره
انت اديته لحد وهو نشره ولا مش بتاعك اساسا
لو بتاعك ربنا يوفقك
خالى بعد اذنك ارد على بنت مصرية
ـــــــــــــــــــــــــــــــ
لا كلامك مش مظبوط طبعا
لانه كاتب الكلام ده قدامى
و اتحدى اى حد يقول غير كده
و بعدين كل قصيدة بيكتبها
بيتم تسجيلها (حق التأليف) يعنى كل قصيدة مسجلة قبل ما تنزل على المدونة
اساسا
و لو كنتى قرأتية فى مكان اخر
لو سمحتى تقولى لانه كده سارقها
تحياتى ليكى
بجد حلو اوووى
فعلا بجد احساسك حلو قوى
وهى دى مصر بلدنا
سعيده قوى بمرورى بمدونتك اد ايه انت شاعر موهوب وكلماتك بتدخل للقلب على طول .. اتمنى انك تزورنى ولو انى حأكون مكسوفه جنب الابداع ده كله لكن حقيقى يهمنى رأيك يا ريت تمر على المدونه واسفه لو حأخذ من وقتك بس ارجوك تقولى رأيك بجد فى اللى بأكتبه ..اول مره اطلبها من حد لانى حسيت اد ايه انت موهوب وصادق .. تقبل مرورى
خالص تقديرى واحترامى
rovy
بنت مصرية..إن كنتى فعلا كما تقولين قد قرأتى هذه القصيدة فى مكان ما.فأرجو ذكر إسم المدونة أو الكتاب أو الديوان أو حتى الشخص الذى سمعتيها منه.....وإن كنتى صادقة فإننى إذا قد سرقت إبداع غيرى فأنا بالتالى (لص)وأنتى كإنسانة أمينة لا يشرفك المرور إلى مدونة (لص)....أما إن لم يكن كلامك صحيحا(وهو كذلك بالفعل)..فاسمحى لى أن أقولها لك(أنا لا يشرفنى مرور أى كائن كان يشكك فى مجهودى)إلى مدونتى
hana..مشكورة على مرورك وتعليقك الرقيق
رونا..إنتى اللى إحساسك عالى لأنك حسيتى كلامى..أتمنى أشوف تعليقاتك دايما..شكرا ليكى
Rovy...كلامك أخجلنى جدا ..لدرجة إنى مش لاقى رد ..وأنا رايح حالا لمدونتك..مرورك أسعدنى
كلمات جميلة وياريت كلنا نعرف مصر كدة زى مانت عارفها
وتحياتى لك
رئيسة حزب الأحلام..مشكورة أختاه على الزيارة والتعليق..وهذه القصيدة ليست معرفة بمصر على قدر ما هى غريزة الوطنية التى يجب أن يشعر بها أى مصرى...دمتى متواصلة
ياللى إنت راكب حصان واخد وراك إتنين
واخد حبيبــتى معـاك.طيب واخـدها لفين؟؟
ما اقدرش اشوفك و اسيبك تمشى على كيفك
ما اقدرش اكون فى الدنيا دى عايش كده بوشين
جميله جداااا كالعاده
ولو انى احب انك تحط علامات تشكيل
عشان الموسيقى تتظبط , وتجبر القارئ انه يمشى على الايقاع السليم .
very gooooood (:
كلمات تحمل مشاعر دافئة لحب بلد كلنا بنحبها بلدنا اللى نفسنا
تبقى احلى بلد فى الدنيا
تحياتى وتقديرى
انا عمرى ما ههين شعر حد انت فهمتنى غلط اصلا الشعر اللى انت كاتبه بتاع نام يا مصرى انا كنت سمعت احمد فؤاد نجم بيقوله قبل كده
وانت لما كتبته مكتبتش انه منقول والاشعار التانيه جميله جدا اللى انت كاتبها
انا اسفه ازا كنت ضايقت حضرتك واسفه على سوء التفاهم بجد اسفه مقصدش والله
بس انت عرفت ازاى انى مش بحب السمكك ههههههههههههههه
افردها بقى متكشرش كده
مصر
فعلا اسمها
بتحسه بيهز كيانك
كلمات ومشاعر رائعة
دمت
بصحة
صديقى الدائم العزيز..وائل..أنا مبسوط جدا إنك فاهم اللى أنا قصدته من البيت ده...وبالنسبة للتشكيل...فمن غير فضايح ...وكلام فى سرك...أنا باكتب الكلام العادى بالعافية..يعنى مش محترف كتابة...والنبى عايز آجى آخد عندك درس خصوصى...مخفض طبعا..لأن أخوك (على الحديدة) لالالالالا-حديدة إيه.هو أحمد عز سابهالنا حتى...هههههههههههههههه دمت صديقا أخى
مدحت محمد..أشكرك للمرور والتعليق..وأتمناك صديقا دائما
بنت مصرية...يا آنستى الفاضلة...أنا مش زعلان ولا حاجة...لكننى متفاجأ..إننى أكتب الشعر ولا أنقله...وأى شيئ يكتبه أساتذتى فإننى أقرأه فقط للتذوق -لا للأقتباس...وقصيدة نام يا مصرى..من أغلى القصائد عليا وأقربها إلى قلبى ..وليس فيها حرف واحد منقول من الأستاذ الكبير (أحمد فؤاد نجم)أو من غيره..وإن كنتى قرأتيها فى أى ديوان (لسيادته)أرجو إفادتى بإسمه وما عدا ذلك فأنا أرحب دائما بالزائرين..ولا أهمل تعليقاتهم ما دامت فى حدود الصداقة والإحترام المتبادل...دمتى بخير
الغالية شيماء سمير..أشكرك لمرورك وتعليقك..وأتمناكى صديقة دائمة وأختا غالية
يا فندم انا متشكر جدا جدا حقيقي بجد
بس يا تري ماهما كان تعبك و مهما كان شعورك و خوفك علي شعرك و حساسية الموقف اللي حضرتك فية و عارف كويس جدا ان اللي كتب حاجة بيكون حساس اتجاة اي تعليق بيتوجهلة و حضرتك تاكد ان لو احساسك مرهف تجاه اي كلمة حضرتك بتكتبها دة مايكونش ردة ابدا بصراحة استفزيتني............
"....لا تعطينى سمكة...ولكن علمنى كيف أصطادها....ولكن من الواضح أنكى لا تحبين السمك..لذلك لا تعرفين شيئا عن إصطياده"
و علي فكرة و دة اكيد حضرتك اكثر مرونة و اكثر امكانية و ثقافة عالية جدا و ماينفعش اقارن و اقول علي كلامي شعر جنب شعرك لان دة يبقي ظلم و الله العظيم الكلام دة حقيقي لان بمنتها البساطة كلامي ماينفعش يكون شعر و متشكر جدا
مشربية...أرى أننى أكتسبت صديقا دائما لمدونتى وأنا أعتز بتلك الصداقة...وكلنا يا أخى لم نولد شعراء..ولكن طالما أن عندك الموهبة..فصدقنى..كثرة القراءة والكتابة سوف تفيدك كثيرا....ولعلمك الشخصى...(العملاق)عباس محمود العقاد عندما أرادوا أن يمنحوه درجة الدكتوراة..وجد أن من يمتحنوه.ما هم إلا تلامذته...ويمكن أن يكون عندك من الوقت ما لا يتوفر عندى..فحاول أن تستغله فى تنمية موهبتك...عسى أن أتعلم منك يوما......دمت صديقا
جميل جدا ..الواحد اكتشف ان فى مصرين كتير اوى لسه بيحبوا البلد ..
وكلامك فى منتهى القوة ..
مدونتك من اجمل المدونات ..هكرر الزيارة ان شاء الله كتييير
والسلام ختام
يا ريت مصر تحبك زى ما انت بتحبها كده
بس المشكله مش ف مصر
المشكله ف القصر
ارجو تكون رسالتى وصلت وربنا يوفقك يا رب
العزيزة..سمورة..مرورك بيسعدنى بجد...وأحبك دايما تنورينى بتعليقاتك..شكرا يا جميل.
الغالية..بنت مصرية.رسالتك وصلت ولو على القصر..يا ستى ..ننقله..نورتينى بالزيا رة
بجد تعجز الكلمات عن وصف هزه الابيات
اقول ابداع ولا سكر نبات
ولا التمايل ف النغم بين الابيات ورقه الاحساس ف القافيه بالزات
ايه رأيك تيجى ننسى اللى فات
ونرجع تانى زى الاخواتولا هى يعنى كانت خالتى وخالتك واتفرقوا الخالات
يا عم يلا محدش واخد منها حاجه كلنا ف الاخر اموات
ولينا الجنه ازا نسينا اللى فات
ونعيش كلنا تانى ف تبات ونبات
وليك منى خالص التحيات
حلوووووووووووووووه اوى
بسم الله ماشاء الله
بجد كلام مش زى مكون بقرااه
لا قاعدين ع المسطبه بنشم هووا مصر النضيف بتاع زمان
بجد بسم الله ماشاء الله
ياابنودى المدونين
تحياتى
مبروووووووووك على المدونة واشعارك احلى بكتير
زياد حسام سمير
إرسال تعليق