عم إبراهيم..؟
عم إبراهيـــم المزين ف الحلاقة قديـــــــم
ف صنعته يعجبـــك وف كل شيئ فهييـــم
قلت اما اروح أسأله.إيه حكاية الإضراب؟
وان اللى يضرب بقى.رجالة والا حريــم؟
عم إبراهيــم منجعص على كرسى دكانه
زحل يسيب المجرة وهوه فى مكانـــــــه
انا قلت صبح يا عمى..قال صباح الخيــر
وضحكلى ضحكة بينتلى الباقى ف سنانه
سألته يا عمنا.إيه حكايـــة الإضـــــــراب
أصل اللى قاللى كده.الواد على النصــاب
قام قــاللى طيب بقى مهتم تعرف ليــــــه؟
دا شيئ ومن غير سبب.ولكل شيئ أسباب
الناس ومن غير سبب عاملين حاجات خايبة
فاكرين ويــــاللعــــجب إن البلد ســـايبــــــة
إيه يعنى تلاتـين سنة عايشــين كما الأموات
متعلقـين ف الهوى بخيوط حبـال دايبـــــــة
إيه يعنى يا ابنى الرغيف لو يبقى بالكارنيه
إيه يعنى كيلو الطماطم لو بخمســة جنيــــه
حد إشتكى والنبى أو قال ح اموت م الجوع
دا انا حتى باركب يا واد المترو بالأبونيــه
آل حد من خنقـتـه رمى نفسه م العــاشـــــر
علشان إزازة الزيـت وصلت تلاتــاشــــــر
وعنــده أربـع ولاد وبنــات دا غيـر امهــم
ومرتبه (كبير آوى) يـيجى مية وحداشـــر
(عم إبراهيم يظهر إنه كان( فاهم بصحيح
أستاذ ف فن البلاغة وف الخطابة فصيح
(قلت الحكومة (عسل) والشعب ده (ظالم
والشيخ(غلاء)برضه لازم يتبنيله ضريح
سـألـته آخر كــلامنـا.يعنى انـا مـــالـــى؟
أروح معـاهـم؟ والا أقـعـد هنا ف حـالى؟
قام قاللى ماآهى هيه هيه.طب حتفرق إيه؟
(من يشترى الغالى يا ابنى.(يدفع الغـالـى
بينـى وبينـكــم كلامـه ده ماريحنـيـــــش
انا رحتله لجل ما افهم ليــه ما فهمـنيـش؟
ورجعـت وانا بسـأل نفسى.ســؤال واحد
هوه النهارده بقى دورى ف طابورالعيش؟؟؟
وطبعا كل الكلام اللى فات ده على لسان (عم إبراهيم)أه والله العظيم
ياسعادة البيه...أنا عندى عيال وعايز أربيهم وأقليلهم بطاطس (بالزيت)وأجيبلهم
(عيش فينو)
وأعملهم(رز)و(مكرونة)وأشربهم(مية معدنية)و
(عم إبراهيم)
أناخلاص بطلت أحلق عنده والحلاق الجديد بتاعى لسه ما عرفتش ميوله..ولو طلع
زى عم إبراهيم(مش فاهم أى حاجة)و(بيدعى الفهم)حاغيره على طول...وهكذا لغاية ما ألاقى حلاق....................
( أعمى )
.jpg)
54 قول رأيك:
هههههههههههههههه
ده عم ابراهيم ده طلع خلبوص كبير
وفاهم فى كل حاجه
احنا عارفين ان عم ابراهيم اللى قال كل الكلام مش تقلق
Desert cat ..أنا مش قلقان والله على نفسى..أنا قلقان على ولادى...مين حيجيب لهم كل الحاجات دى لو أنا رحت أصيف مثلا(أصيف)هاه إنتى فاهمانى طبعا....مبسوط جدا انك اول تعليق...شكرا بجد(مش بتاعة عم ابراهيم)هههههههههههههههههه
ايه يا عمونا الكلام ده
منغير ما تحلف احنا مصدقين انه عم ابراهيم
انت فاكر اننا بنحسب ان انت اللى كاتب لا متقلقش
و قول لعم ابراهيم
انه وراه رجالة
مواطن مصرى نايم..تعرف إن سبب خوفى الرئيسى..إنى عارف إن عم إبراهيم(وراه رجالة)لأنى مش عارف(إيه نوعية الرجالة دول)...زى عادل إمام ما بيقول......عدو....ولا ...حبيييييييب....شكرا لتعليقك..وما تخافش..أنا مافيش ورايا أى رجالة..هههههههههههه
مأساه القصيده انه بتتكلم عن الواقع بصرف النظر انك هتحلق تانى طول عمرك ول لا
لان الى اعرفه ان محدش بيصيف ويحلق هاه فهمنى
فالظاهر انهم مش بياخدوا الحلاقين لانهم راضيين
البوست رائع
العزيز.بطوط حبوب..إنت عارف إيه إللى مطمنى شوية..إن أنا أقرع ...يعنى ماحدش يقدر يقول إن لى علاقة بعم إبراهيم....آمال أنا أخترت أسأله هو بالذات لييييييييييييييه....مرورك مشكووووووور
ههههههههههههه
يخرب عقلك
دانت موهوب بجد
جت فى الجول يا معلم
ههههههههههههههه
وياترا مش هتحلق لحد ما تدور علي حلاق تاني
بوست جميل جداا
متخفش يا عم كلنا شاهدين اني اللي قال الكلام ده انت
يوووو اقصد عم ابراهيم
(*_^)
تحياتي
رودي
كلام في الصميم بجد ....
ان فنان :)
((((إيه يعنى تلاتـين سنة عايشــين كما الأموات))))
بيت الشعر ده فكرني بحاجة
انت عارف ان الشعب المصري (تاريخيا ) لم يختار حاكم او ملك او رئيس علي مر التاريخ , إلا محمد علي !!!!!!!!!
لا تعليق ,,
هههههههههههههههههههههههه
عم إبراهيم دا ملهوش فى حاجة ..
يا ترا يا حاج هتختار ميول الحلاق التانى إيه ؟؟!!!
إخوك
هههههههههههههههههههههههه
عم إبراهيم دا ملهوش فى حاجة ..
يا ترا يا حاج هتختار ميول الحلاق التانى إيه ؟؟!!!
إخوك
حبيبى يا عم ابراهيم
فعلا عم ابراهيم ده بيجسد الشعب المصرى تمام تمام
الشعب المصر اللى من ساعة محمد على وهو نايم ومش راضى يصحى
لكن هانت وان شاء الله نوعية عم ابراهيم هتنقرض قريب اوى
والشعب هيفوق ويقوم من النوم
لا دا عم ابراهيم ده عارف كل حاجة وراجل فاهم كمان
احلا سلام لعم ابراهيم اللي هارش ومطنش
وينكى العزيزة..مشكورة جدا على الزيارة والتعليق...هى فى الجوووول فعلا...بس أنا خايف إن اللى واقف حارس مرمى(يكون عم إبراهيم برضه)
بنوتة مصرية...إنتى باين عليكى ح تودينى فى داهية...إيه رأيك بقى إن لو عم إبراهيم فتن عليا.إنتى أول واحدة ح أعترف عليكى...مشكورة جدا على التعليق..
ناجى العلى.يعجبنى فيك إنك إسم على مسمى.ومذاكر تاريخ كويس...بس كلام فى سرك...أنا ماقصدش المعنى ده..أنا كنت كاتبها(خمسين سنة)وبعدين لقيت إن (تلاتين)أقرب إلى حكم أخر سلالة(إنت فاهمنى طبعا)مشكور جدا يا جميل.مرورك أسعدنى.وتعليقك أسعدنى أكثر
إخوانى حتى النخاع...الحلاق التانى ممكن أجرجره فى الكلام...لحد ما يعترف (زى عمرو أديب ما بيعمل)وأبقى مرشد وأعيش تمام التمام..والا أنت إيه رأيك........مشكور يا عسول على المرور و التعليق
إوعى تفكر..إزاى عايز نوعية عم إبراهيم تنقرض...وإنت إسمك(إوعى تفكر).ههههههههه حبيبى يا (إوعى تفكر)..وإوعى تفكر إن نوعية عم إبراهيم ح تنقرض....دى لازم يحصلها(تصفية)هههههههه متشكر خالص على المرور والتعليق..أنا رايح حالا أشوف مدونتك
المهم.بلاش هارش دى والنبى..بعدين يقبضوا على عم إبراهيم بتهمة (نشر الجرب بين فئات الشعب)ههههههههههه خليها مطنش بس ..مشكور يا باشا على المرور....المرور للمدونة..مش مرور القاهرة هههههههههههه
يعنى انت تعملها وتلبسها لعم ابراهيم
يا راجل حرام عليك .. ده برضه ارزقى
وعلى باب الله ..
شكرا لك واتمنى التواصل
أبو على توفيق...قصدى .(حسن توفيق)يعنى بذمتك يا راجل مين أولى (بالمصيف)...عم إبراهيم اللى خد كل حاجة من الدنيا؟؟؟والا شاب غلبان مسكين لسه بيكافح علشان يتجو.......لمؤاخذة.....قصدى يتجنن...مشكور للتعليق
الناس ومن غير سبب عاملين حاجات خايبة
فاكرين ويــــاللعــــجب إن البلد ســـايبــــــة
إيه يعنى تلاتـين سنة عايشــين كما الأموات
متعلقـين ف الهوى بخيوط حبـال دايبـــــــة
إيه يعنى يا ابنى الرغيف لو يبقى بالكارنيه
إيه يعنى كيلو الطماطم لو بخمســة جنيــــه
حد إشتكى والنبى أو قال ح اموت م الجوع
دا انا حتى باركب يا واد المترو بالأبونيــه
آل حد من خنقـتـه رمى نفسه م العــاشـــــر
علشان إزازة الزيـت وصلت تلاتــاشــــــر
وعنــده أربـع ولاد وبنــات دا غيـر امهــم
ومرتبه (كبير آوى) يـيجى مية وحداشـــر
::::::::::::::::::::
ما شاء الله حضرتك موهوب جداااااااااا
ربنا يزيدك
ويصلح حال البلد
وحالنا بقى يارب
أشكرك على زيارتك الجميلة والتعليق
دمت بخير أخى
Om Dodo 7abiby مشكورة على المرور والتعليق...بس حضرتك ما قرأتيش البوست اللى قبله.(نام يا مصرى)..دمتى زائرة و تشرفت بزيارة حضرتك...
اولا اهلا بيك يا واحد
لكن انت محددتش الواحد ده من اى تلت
لان اخر تقسيم للبلد دى كان تلت يستحق الذكاء وتلت يستحق الصدقة وتلت يستحق السجن
عموما دى مش كلامى ومش فاكر قريته فين علشان الزهايمر ربنا يبعدة عن السامعيين ....
ناجح يوسف فهمى
alabalatta..لقد مررت إلى مدونتك وعلقت على البوست ..أرجو التواصل....على فكرة أنا من التلت التالت
هو دكان عم ابراهيم ده فين؟
اديني زرتك أهوه عشان متقولش مبتزورنيش
خالص تحياتي
ياسر حسين..يا سيدى أنا أتشرف بزيارة الأصدقاء..لكننى لا أستجديها..وإذا كانت زيارتك حرجا منك ..فاعتذر عن تسبيبى لهذا الإحراج.....دمت صديقا
حد يسيب عم ابراهيم فى الموقف ده برضه ههههه
موناليزا..المدونة نورت ..كان لازم أتحايل عليكى يعنى علشان تزورينى...عموما ..أنا النور كان مقطوع عندى علشان كده كنت عايزك تييجى...مدونتك أكثر من رائعة...لكن بلاش الزيارات القصيرة دى...دمتى أخت وصديقة..
هههههههههههه
جميلة جدااااا
فكرتنى ببيرم التونسى
ماشى هانمشيها عم ابراهيم المرادى
بس المرة الجاية خلى بالك
واحلق عند واحد من الحزب الوطنى
واتاكد انه ختملك على راسك ختم النسر قبل ماتمشى D:
very goood
وائل باشا..منور يا جميل ..أنا فكرت أحلق عند واحد من الوطنى ..بس مش متأكد الختم حيبقى على دماغى والا كاالعادة على؟؟؟؟؟؟؟؟؟؟؟؟؟دمت صديقا
برافووووووووووووووووووو
جميلة اوى
جميلة جدا ..
اسلوبك جميل فعلا ..
والمدونة كلها حلوة ..بس اكتب اكتر من كده :)
تحياتى
هههههههههه
لا عم ابراهيم ناوي بجد يودينا في داهية , ايه يعني صح كيلو الطماطم بخمسة جنيه , بلاش اكل طماطم , شفتم حد مات لانه مكلش طماطم . وبلاش عيش خالص ,ناديها تورت وجاتيوهات ..
علي فكرة رباعياتك جامدة بجد , ولو دي من كتاباتك فانت اتكون بجد صلاح شاهين التاني ..
تسلم ايدك
تحياتي
محمد
أولا أحييك على روعة القصيدة بالرغم من بعض الوزن المكسور
ثانيا: فيه كتير عم إبراهيم فى مصر مش فاهمين حاجة وعاملين نفسهم فاهمين كل حاجة وعشان كده جمعهم الأدب الشعبى فى شخصية أبو العريف
تحياتى
وديت عم ابراهيم ورا الشمس وهي الحملة اللي هيقفلو بها السنة دي اسمها حملة عم ابراهيم
ابراهيم
مدونة لحن الغروب
ادعوك لزياة مدونتي
http://anaabnalikwan.blogspot.com/
رئيسة حزب الأحلام.زيارتك أسعدتنى.وتعليقك أسعدنى أكثر..أتمنى التواصل
الغالية .سمر..ربنا يخليكى على المجاملة الرقيقة دى..بس أنا ما أقدرش أكتب أكتر من كده....أصل الموضوع مش سهل يعنى....وبعدين أنا متزوج..يعنى برضه فيه ناس تانية لهم حق فى وقتى...مشكورة جدا على الزيارة.أرجو تكرارها و أوعدك بالمزيد
الباشا الملثم..قصدى الفارس الملثم...يا سيدى البلد مليانة (عم إبراهيم)بس هوه ده اللى رضى ييجى معايا....وعلى فكرة.أنا باكتب من زمان جدا..وموضوع النشر ما كانش فى دماغى خالص..مع إن كتير من الأصدقاء نصحونى بييه..زيارتك كانت خفيفة جدا على قلبى.وتعليقك الجميل أسعدنى ..أرجو دوام التواصل ...ويا ريت أبقى(ص)بس ...مش صلاح جاهين...دمت صديقا
زائرى العزيز.أيمن بدر..بالنسبة لموضوع الوزن المكسور..فالقصيدة مافيهاش أى كسر والله..بس المشكلة اللى دايما بتقابل أى مؤلف..خصوصا اللى بيكتب زجل..إن كتير من الناس بيقرا الحروف غير ما المؤلف وازنها ..فبيترتب عليه ضياع تناغم الحروف فى القصيدة...ولو عايزنى يا سيدى أقراهالك ..أنا مستعد..وشخصية أبو العريف دى شخصية ظريفة جدا على فكرة....ويا عم بكره أكتب لك شعر(عربية فصحى)..وإبقى قوللى رأيك..زيارة مشكورة..بس بلاش تييجى بايدك فاضية..ههههههههههه أتمنى التواصل .ومرحبا بك صديقا للمدونة
العزيز.إبراهيم..أنا وديت عم إبراهيم ورا الشمس علشان إحنا داخلين على الصيف و قلت أشوف له حتة تكون ضل شوية...زيارتك مشكورة..وأنا رايح حالا مدونتك.
خلاص راح الراجل فى الرجلين زنبه ايه بس
امممممممممممممم زنبه زينا كلنا صح
انما انت شاطر وبعدين ايه عيش فينو ليه مينفعش بلدى يعنى هههههههههه
ربنا يخليهم ليك يا رب اولادك وتربيه كويس
عزيزتى Appy زيارتك من الزيارات التى تسعدنى حقا...كوكبك جميل بالمناسبة......أنامبسوط جدا لمرورك يا غالية....وأوعدك البوست اللى جاى ح يعجبك جدا.....وعلشان تعرفى غلاوتك..حاقولك على إسمه أول واحدة..(حبيبتى)..شرفتينى بالزيارة
خطيرة جدا حكاية عم ابراهيم دي ..
بس يابخته راجل فاهم البلد ماشيه ازاي .. ولو انه عارف انه مفيش فايده ..
تحياتي وسلامي لعم ابراهيم
على فكرة البوست بجد تحفه.. تسلم ايدك يااااااااااا.....................عم ابراهيم طبعا
الاجزاء اللى عجبتنى
عم إبراهيــم منجعص على كرسى دكانه
زحل يسيب المجرة وهوه فى مكانـــــــه
عم إبراهيم يظهر إنه كان( فاهم بصحيح)
أستاذ ف فن البلاغة وف الخطابة فصيح
قلت الحكومة (عسل) والشعب ده (ظالم)
والشيخ(غلاء)برضه لازم يتبنيله ضريح
وطبعا كل الكلام اللى فات ده على لسان (عم إبراهيم)أه والله العظيم
ياسعادة البيه...أنا عندى عيال وعايز أربيهم وأقليلهم بطاطس (بالزيت)وأجيبلهم
(عيش فينو)
وأعملهم(رز)و(مكرونة)وأشربهم(مية معدنية)و
(عم إبراهيم)
أناخلاص بطلت أحلق عنده والحلاق الجديد بتاعى لسه ما عرفتش ميوله..ولو طلع
زى عم إبراهيم(مش فاهم أى حاجة)و(بيدعى الفهم)حاغيره على طول...وهكذا لغاية ما ألاقى حلاق....................
( أعمى )
لكن طبعا الموضوع كله على بعضه يجنن
وقولى بقة فكرة الموضوع ده حقيقيه ولا انت تخيلت ان فى واحد اسمه عم ابراهيم الحلاق ومن هنا جه الموضوع
يعنى فهمنى الفكرة جت دماغك ازاى؟؟
الأخت..صحفية روشة..أشكرك على المرور...والتعليق.وبالنسبة لشخصية عم إبراهيم..فهى ليست من الواقع ولا يوجد فى حياتى من يشابهها...وصدقينى إن قلت أننى أنا أصلا لا أعرف من أين أتى عم إبراهيم هذا و لكن_وبعد قصيدتى_فأنا أعرف طبعا أين سيذهب..تحياتى لكى
ايهههه ده
عايزة افهم بقة هتسيب عم ابراهيم وتدور على حلاق اعمى يمكن يكون حسن من غيره
على فكرة ناس كتييير بقابلهم يبقوا مش عارفين صلب الموضوع وهلفطوا كلام هما مش فهمينوا زى عم ابراهيم
بحييك اصل معظم الشعب عم ابراهيم بيحلم بحاجات وعايزة وهو فى مكانه ميتعبش عشان يوصلها
سلااااام ياجامد
يسلم عمو ابراهيم
ويسلم كلامه الموزون
وانصحك متغيرشى عم ابراهيم
لأ
انت تاخده يحلقلك فى بالد تانيه يمكن يطلع اكتر واكتر
رصيف نمرة خمسة..عم إبراهيم مش غبى..ده فاهم كل حاجة بس ماشى جنب الحيط..وده النموذج اللى مودينا ورا...مرورك مشكور
فرنسا هانم...عم إبراهيم يشكرك ..وشكله كده ح يقلب كوافير حريمى...دمتى زائرة
حلوه قوي قوي قوي
مش قادر اخد حاجه اقتبسها في ردي عليك واقولك انها حلوة
لان القصيده والمدونه كلها حلو
قرصة ودن كده عالماشي .. لما انت بتدخل عندي المدونه ماعلقتش ليه عندي من بدري ياعمنا عشان اعرفك وادخل اتممزج بكلامك الحلو ده؟؟؟؟
سلاموووووووووووز
السلام عليكم
احد من البلد دى
عم ابراهيم قال الخلاصة والمفيد
^___^
اسلوبك جميل جداااااااااااااااااااااا
تسلم ايدك على ابداع الجميل
soooo
مشكور على المرور و التعليق..وأتمنى دوام الزيارات..
نونا
عم إبراهيم ده راجل خلاصة أساسا..ومشكورة على التعليق..نورتى البلوج
اوعى تكون بتحلق عند الراجل ده
إرسال تعليق