الأربعاء، 14 أبريل، 2010

أنا مين؟؟


أنا مين؟؟


وعايزين تعرفــونى..أنا مـين؟؟


أنا اللى كتبت على ظهر الزمن


إقــــــــــــــــــــــــــــــــــرار


أحافظ ع الحبيب لو جــــــار


وأسامح و أقبل الأعــــــــذار


وبرضــــه الكــل كـان خايـن


ف زمــن الكــدب مش بـايـن


وادقـــق يـامــا و أعـــايـــن


وف الآخــــر بالاقى سراب


أمل زايــف....فرح كـــداب


ويأسى وحزنى يبقوا اصحاب


ويـبـقـوا عــليـــا مــتـفـقــيـن


وعـايزين تعرفونى..انا مين؟؟


أنا الـلى الـغـربـة جـــــوايـــا


بــلا صـــــــــــــــــــاحــب


بـاقــول لـلـحزن يا مــراحب


واشوف ف العتمة ضوء شاحب


أقول ده نهارى جـايـلى أكـيـد


يعوضــلى النـواح تغــريــد


وانام و احــلم بــيــوم العيد


واتارى الضوء ده كان شمعة


طـفـيـتـها ف الزمن دمـعـة


وأيـامى مـاهــيش ســامـعة


لصــوت واحـد كلامه أنين


وعايزين تعرفونى..انا مين؟؟


أنا اللى نحتـت تمـثال الـوفـا


بـــــــــــيــــــــــــــــــــــدى


وعـشـت العـمـر وانا بـادى


ويـنـزل دمـعـى فوق خدى


مـا حـد سـألنى يوم..مالك؟؟


قليل ف الدنيا أمــثــالــك


منين الدمع ده جــالـــــك


وكله ف حــالــه مـتـلاهــى


ف دوامــة الحــياة ســاهـى


وانا نـسـيت نــفــسى و الله


وعـايـش بــس لـلـتـانـيـيـن


ولسه حـتـســــــألـــــونـــى


أنــــا مــــــــــيـــــــــــــن؟؟؟؟














































14 قول رأيك:

الملاك الحزين يقول...

اقولك انت مين؟؟؟


انت حد جميل
ونقول مساء الجمال وناخد اول تعليق

اممممممممممممممممممممممم

الملاك الحزين يقول...

ياريت بجد الناس تكون زيك كده تحب ما تقسا

تشترى مش تبيع

ربنا يسعدك يارب
قد ايه كلمات رائعه من قلب انسان جميل
سعيده بمرورى هنا
وهفضل امر على طول ان شاء الله تعالى

دمت ودام اسمك وقلمك

الملاك الحزين يقول...

وان شاء الله ربنا يكرمك يارب وتلاقى الافضل والاحسن فى زمن ضاع فيه الوفاء

وقال بتقول هتقعد فى بيتكم

انا اللى شكلى هجيب ضلفها يا عمونا
هههههههههههه
تحياتى ليك يا ارق احساس قبلته
ايناس

واحد من البلد دى يقول...

زائرتى الدائمة..الملاك الحزين

إزيى حضرتك يا ايناس

تعليقك بجد أخجلنى جدا..

وعندك حق ..الناس بقت عايزة تخون و تغدر وخلاص..

حتى الصداقة بقت قليلة جدا فى زماننا ده..

لكن لو كل الأصدقاء زى حضرتك ..تبقىالحكاية كويسة خالص

ههههههههههههههه


دمتى فى حفظ الله

اتمنى دوام التواصل

موناليزا يقول...

عجبتنى
فيها حاجات كتير حسيتها
وأبرزهم
"وادقـــق يـامــا و أعـــايـــن

وف الآخــــر بالاقى سراب"

دايما بسأل طب العيب فى مين طالما دققنا كويس قبل مانختار ايه بقى اللى حصل؟؟؟؟

الشاعر الفنان أحمد فتحى فؤاد يقول...

اخى العزيز

اولا اشكرك جدا على زيارتك الرقيقة
ثانيا اوعدك ما اغيبش تانى
ثالثاانت شاعر جميل اتمنى يا رب تكبر و تكبر
رابعا نصيحتى الصغيرة المتواضعة ليك انك تعمل زيى انا تقريبا مصنف اغلب الاغانى اللى مدونها ما عدا الطارىء السريع
صنف اغانيك قبل ما تنشرها
انا كنت قبل 5 سنين شاعر محترف و عندى فى سوق الكاسيت فوق ال200 اغنية و فى الاذاعة حوالى 7 اغانى
و لكن توقفت لظروف السفر
و عشان كده نصيحتى الثانية عايز تستمر خلليك جوه الوسط لانك لو طلعت بمجرد طلوعك هتتنسى تماما
بالتوفيق
و اتمنى دوام تواصلك

واحد من البلد دى يقول...

الأخت الغالية..موناليزا

يسعدنى انها عجبت حضرتك

والعيب اختاه ليس فينا بما اننا ندقق النظر و نستخير الله ثم نقع فى براثن الآخر فهو بالتأكيد فى الآخر ولم يكن وقوعنا فيه بعد إستخارتنا إلا تنبيها لنا و تجربة ربما نقابل النظير يوما ما فنكون قد تعلمنا ونأخذ حذرنا..

دمتى فى حفظ الله

~~~~~~~~~~~~~~~~~~~~~~~
الشاعر الفنان..أحمد فؤاد فتحى

مشكور أخى على الزيارة و النصيحة لكننى أكتب الشعر(الأن)كهواية و ليس لى أى نية فى الإحتراف وإن كنت قبل ذلك قد إنغمرت فى هذا الوسط...فقد لاقيت فيه ما لاقيت...
مشكور أخى الكريم على نصائحك ولكننى لا يعنينى أن أكون فى الوسط أو حتى الدفاع -ههههههههه-هى مجرد خواطرى أكتبها فربما تجد عند بعض الأصدقاء بعض الإستحسان مما يشجعنى على المواصلة..

دمت فى حفظ الله

مع وعد بدوام التواصل

ملحوظة...عايز أعرف سن حضرتك ..ممكن؟؟؟

ريمان يقول...

أنا الـلى الـغـربـة جـــــوايـــا


بــلا صـــــــــــــــــــاحــب


بـاقــول لـلـحزن يا مــراحب


واشوف ف العتمة ضوء شاحب


ـــــــــــــــــــ

بجد الكلمات دى صعبه اوى

للاسه كتير اوى الطيبه بتتقابل بالغدر والاخلاص بالخيانه


يا ترى العيب فى الانسان نفسه ولا فى الناس ولا فى الزمن


تحياتى لكلماتك بجد اثرت فيا اوى

واحد من الناس يقول...

لأ مش هاسألك تاني

سعادتك انت تطلع مين

عشان انت يا ولد الناس

أجدت الشرح والتبيين

وشايف إنه ما يعيبك

تكون مخلص وحد أمين

يعيب الناس خيانتهم

وكونهم لسه مش فاهمين

إنك إنت وامثالك

نور بيوجه التايهين

ومن غيركم

هنفضل في ظلام حالك

بنتنفس ومش عايشين

ولازم زي مافي ظلم

يكون فيه عدل

وبرضه الشر عاوز خير

لازم الاتنين

وإلا راح تميل الأرض

ولا يبقى بها موازين

ولازم كل من زيك

على روس العباد يتشال

وفي قلوبهم ونن العين

.........

تحياتي لك

(على فكره أنا صاحب المدونه الملخبطه :) هي مش ملخبطه ولا حاجه بس بيظهر فيها مشاكل لما تتفتح بالإكسبلورر والحل انها تتفتح بالفايرفوكس ، رخامه بأى معلش أتمنى تفتحها بالفايرفوكس وإن شاء الله تعرف تقرأ حاجه :) )

resalatye يقول...

انتا جميل اوى واسلوبك حلو جدا
ربنا يوفقك
اتمنى زياره مدونتى الجديده
http://resalatye.blogspot.com/

واحد من البلد دى يقول...

الأخت الغالية..ريمان

ربنا يكرمك على تعليقك و إهتمامك بالزيارة

تعليق حضرتك أسعدنى و أخجلنى و العيب طبعا مش فى الزمن ...حاشا لله

العيب فى الإنسان الأفعى الذى يتلوى مع جميع المنحنيات ظنا منه بانه بذلك الأسلوب لن يكسره شيئ..

مشكورة جدا لتعليقك

دمتى فى حفظ الله
~~~~~~~~~~~~~~~~~~~~~~
الأخ العزيز..واحد من الناس

تعليق حضرتك يحتاج أصلا إلى تعليق

كلامك جميل و معبر و مخجل أيضا لأننى سيدى لا أقصد بقصيدتى تزكية نفسى ولا تصنيفها بقدر ما أوضح أننى لست إنسانا معتما من الخارج ولكننى واضحا لدرجة الشفافية...فكيف لا يرانى الناس و يتسائلون ..من أنا؟؟

حضرتك صاحب مشاعر رقيقة و حساسة

أشكر لك تعليقك و طبعا سأزورك عن طريق الفاير فوكس أو حتى الطريق الدائرى
هههههههههههه
فمثلك صديقى يستحق الزيارة و التقدير

دمت فى حفظ الله
~~~~~~~~~~~~~~~~~~~~~~

واحد من البلد دى يقول...

الزائرة الكريمة..رسالتى

ربنا يكرمك و يوفقك
مشكورة على الزيارة و التعليق

وما توفيقى الا بالله

وحالا رايح مدونة حضرتك

دمتى فى حفظ الله

maxbeta3zaman يقول...
أزال المؤلف هذا التعليق.
maxbeta3zaman يقول...

فيه واحد بيقوللك انت حــــد جميل لكن أنا رأيي انك سبت جميل "بتسكين الباء" كلما قرأت عندك وجدت جمالا وصورا شعرية معبرة ...كمان سمعت الأغنية الموجوده على اليمين وأرى أنك "ثلاثاء" جميل أيضا
تحية لك بما بقى من أيام الأسبوع