حبيبتى انا....ماتت
ولـسّـه حـبـيـبـتـى زى زمــان
ولـسّـــه الحـلـم فى الإمـكــان
انا جــــاى وشــــايـل تـاجــك
وقــلبــى يـنـادى مـحـتـاجــك
تـرُدى عــلـيــه بـكـربـاجــــك
وبـرضــه عـمـرى ما اتغــيّر
بَحــــبِـك من و انا صـغـيــّــر
ووقـت الـفـرْح لـيـه قـصـيّـر
ولـيـه دايـمـاً طـريـقى دموع
مافيش ف الحب شيئ ممنوع
وباهـرب ليه هـروبى رجوع
واقـول عاشــق بدوب فـيـكى
وأجـرى و ابوس ندا أيـديـكى
واشـوف الحــلم ف عـنـــيـكى
أقــول و الله لجــيـبـهـــــــولك
ولا يـخـوّفـنـى يـــــوم غــولك
ويــامـا قَـبـلى غــنــــــــــولك
لـكـّنى بس..مـن حَـبــــْــــــــك
ولا عــمــروش ف يـوم سـبّـك
كـــأن الــقــلـب مـتـشــــــــــبّك
ف كُــــــم عـبـايـتـك الـطـــوبى
واقـــول قَََـــدرى ومكــــــتـوبى
ولــو داب م الـزمــن تــــــوبى
قـولـيـله لأ...أنا ف عـرضــــه
أنـا واحــد عِـشِــق أرضـــــــه
وصَّـلى كـل يــوم فرضـــــــه
وشـال ف الـقـلب قــــــــرآنـه
وعـمـره ما ســـبْ صُــلبـَـانـه
وعاش موسى و عاش عيسى
ف أوطـــــــــــــــــــــانــــــه
مـانـيـش راهــب ولا نـاســك
أنا نـقـطـة ف بـحـــور ناسـك
أنا لـيـل ف الـنـهـار مـاســـك
لكن بـرضـــه الـنـهـار ماشـى
ويـامـا عـيــون مـانيـمـاشـــى
عـيون خاين..عـيون واشــــى
لـَكِّنى مـالـيـش صـالـح بـيـهـم
ومـش عــايـــزك تـحــبــيــهـم
يا ريـت خـيـرك تـَمَـر فـيـهــم
لـكن يـالـّلا..وكـلـه يـهـــــــون
مافيش ف الدنيا شيئ مضمون
يـنام مـخلص...يـقـوم بـيـخون
لـكن فـيـه مخـلصـيـن وبـجـــد
قـصــاد الـظـلـم زى الحـــــــد
ومـش عـارف مـكـانـهـم حـــد
عشـان حـوالـيـكى زيـف يـامـا
ومـــــوج الـكــدب دوامــــــــة
وإيــــد تـبـنـى...
وألــــف قـصـادهـا هــــدّامـــة
أنـا آسـف..كـلامـى كـتـيـــــــر
ومش حيكـون لـه يـوم تأثـيـــر
لكن قـولى عـلـيــه...فــــــواتير
دفــعــهـا قـلـــبـى مـن دمــــــه
كـتـبـهـا عشــان يـزيـد هـــــمه
وحـضـنـك مـهـمـا بـيـضـمــــه
بـيـفـضـل يـرتـعـش جــــــــواه
عـشان عـمـره مـا يـــوم دفـّــاه
ويـصـرخ جـوه حـضـنك.....آه
وتعـتـبـرى صــراخه ..هـــزار
وهـوه سـاعـات يـكـون إنــــذار
وبـارجـع و اخـلـق الأعــــــذار
أقـول يـمـكـن مـا سِـمْـعتـْنِـيـِش
ومـعـتـبـرة الـكلام..تـهـــــويش
جـنـون عـاشـق و لـحـظة طيش
وكـلـه... زوبـعـة ف فـنـجــــان
شـيـطـان وسـوس و مسّة جــان
وليـه عـشـقى يـكـون ســجـّـــان
بـيـســـأل عـن حـاجـات فـاتــت
حبـيـبـتـك لـيـه..
دمــوعــهـا ع الـخـــدود بـاتـت
سـابـتـها تـسـيـل..وتحـفـر نـيـل
ما مَـسَـحِـتـْهـاش.؟؟؟
جـاِوبـتـه..إنـت عـارف لـيـه.؟؟؟
لأن حبـيـبـتـى انا...........ماتت
.jpg)
32 قول رأيك:
مافيش ف الدنيا شيئ مضمون
يـنام مـخلص...يـقـوم بـيـخون
لـكن فـيـه مخـلصـيـن وبـجـــد
قـصــاد الـظـلـم زى الحـــــــد
ومـش عـارف مـكـانـهـم حـــد
عشـان حـوالـيـكى زيـف يـامـا
ومـــــوج الـكــدب دوامــــــــة
وإيــــد تـبـنـى...
وألــــف قـصـادهـا هــــدّامـــة
==============================
الله ينور بجد جميلة جدااااااااا
و الحتة دى عجبتنى اوى
جامده جداااااا
تمام يا ابو مودى
جميلة جدا و تسلم ايدك
ولـسّـه حـبـيـبـتـى زى زمــان
ولـسّـــه الحـلـم فى الإمـكــان
انا جــــاى وشــــايـل تـاجــك
وقــلبــى يـنـادى مـحـتـاجــك
تـرُدى عــلـيــه بـكـربـاجــــك
تحياتى
رائعه كلماتك اخى
حزينه رقيقه رومانسيه
مبدع انت حقا
تحياتى
جميله جدا جدا يا خالى
وطبعا شرف ليك ان انا بعلق عندك وشرف ليك ان انا بنت اختك
جميلة.. ولكن النهاية لم اتوقعها
بجد حلوه جدا
ولها تأثير غالى فى القلب
إنها حقا رائعه
الله ينور عليك ويلهمك بكلام حلو دايما
تحياتي
مواطن مصرى نايم
منورنى دايما يا إسلام
وبعدين ما انت سامع أولها قبل ما تنزل
انا مبسوط انها عجبتك
وطبعا مشكور للتعليق و الزيارة و كل الكلام ده.....هههههههه
~~~~~~~~~~~~~~~~~~~~~~~~
الزائرة الغالية..دعوة للأمل
المقطع اللى عجب حضرتك يدل على إنك فاهمة شعر كويس
مشكورة على الزيارة و التعليق
الأخت..رانيا
تعليق حضرتك رغم محدوديته إلا أنه بليغ جدا
(من غير حمدى)..ههههههههههه
شرفتينى بزيارتك
بنت أختى الغالية..أيوية صغنونة
إنتى جاية تعلقى و الا تذلينى يا آية..
الشرف ليكى إنى خالك و الشرف ليا إن والدتك أختى..
منورانى يا سكر
الأخت الغالية..موناليزا
والله يا أختاه أنا أيضا لم أتوقع النهاية و لكنها من فرضت نفسها على ذهنى..
ولعلها مجرد قصيدة..لأنها لو كانت لصارت فاجعة حقيقية..
أعذرينى لقلة زيارتى لكنى و الله يعلم أطمئن عليكم جميعا..
ولكن..(سريعا)
دمتى بكل خير
الغالية..رونا
الرائع هو أنها عجبت حضرتك
وما تغيبيش عننا كده
البلوج مفتوح 24 ساعة
وفيه خدمة توصيل القصائد لحد باب المدونات
ههههههههههه
من غير عنوان
الزائر الجديد..الأخ/محمد البنا
زيارة حضرتك تشرفنى
وبعدين إحنا بلديات يا باشا
يظهر إن الدم بيحن
هههههههههههههه
على فكره دى مش تانى مره انا اقراها دى المره الميه تقريبا بس بصراحه كل مره بحب اقراها عن اللى قبلها بصراحه بصراحه فنان فنان فنان
القصيدة بجد مايكفيش جمالها كلام وصف
بجد تحححححححححححححفة
ما شاء الله بجد
دمت بتألق
و الله العظيم انا دمعت و انا بقرأ البوست
بسم الله ما شاء الله....ربنا بجد يحمى موهبتك
مش قادرة اقول الكلام واصلى ازاى بجد
ياااه حقيقى كانت وحشاانا كلماتك
انا اسف كلامى كثير و مش حيكون له يوم تأثير .. مين اللى قال كده ؟؟
كلامك و كلام المخلصين هو اللى اكيد فى يوم حيغير الاحوال و لو ما غيرش على الاقل حيطبب على جراحنا و جراح الحبيبه الغاليه اللى يا رب ما تموت ابدا و اللى يموت اعدائها ..
و ارجع واقول يا شاعرنا ..
لسه الحلم فى الامكان ..
حقيقى تسلم ايديك و يسلم لنا احساسك
تحياتى
أختنا الصغيرة الغالية
إسراء حامد
كم يسعدنى مرورك وتعليقك
وأعذرينى أختاه لقلة زياراتى لكننى و الله العظيم مشغول جدا
ويمكن ده واضح من قلة البوستات
ولكن تبقى الصداقة و الأخوة رابطا لا يقطعه طول الزمن..
دمتى أختا غالية
~~~~~~~~~~~~~~~~~~~~~~
زائرتنا الكريمة و أختنا
دينا
لا أخفيكى سرا
أننى كلما قرأتها وما شابهها
من قصائدى و خصوصا قصيدة كنت قد كتبتها قبلا بعنوان(يا أمى)تدمع عيناى أيضاولا أعرف هذا السر الخفى الذى يجرى دموعى عندما أذكرها وأذكر حالهاالماضى و الحاضر
مرورك يسعدنى و يسعدنى أكثر إحساسكى المرهف بالكلمات
أدامكى الله طيبة
وأختا غالية
~~~~~~~~~~~~~~~~~~~~~~~
الأخت الكريمة...روفى
أشتاق دوما إلى تعليق حضرتك لأنكى من الزائرين الذين أهتم بتعليقاتهم لأعرف رأيهم فيما كتبت..
والله لم أكن أقصد أن أجعل قصيدتى بهذا القتوم و لكننى وجدتنى مجبرا عليه فإننى لا أستطيع أن أزيف الواقع أو أجمله..
لنا الله أختاه
دمتى طيبة
أعتذر لقلة زياراتى
حرام عليك الي انت بتعمله فينا ده
كلامك جه ع الجرح وضغط بلا رحمة
حقيقي انت مبدع حتي البكاء
..........................
كلامك زين ياواحد ...يحكى حكاية حب ..هو مايشعر به المخلصين تجاه هذه البلد ..حب برغم قسوة الظروف وقهر الناس اللى موش ناقصة ...لكن شعرك جميل المعنى والبناء ..ونشكر الجدع أبو مشنقة اللى دلنا عليك ...فأنت شاعر متـــــــــــين
حازم باشا
(أبو النوج)
يا عم ولا مبدع ولا حاجة
الحكاية شوية إحساس بس
الحمد لله إنى مابعرفش ارسم
كنت ضيعتك...ههههههههههه
منورنى يا جميل
أخينا الكبير الفاضل
maxbeta3zaman
يشرفنى تعليق حضرتك.. خاصة و إن حضرتك كاتب و متذوق للشعر ..
وأحب أن أحيط حضرتك علما بأننى أيضا إسكندرانى و إن شاء الله ناوى أكتب قصيدة فى إسكندرية..
لكن علشان الموضوع ده تطرق له عدد كبير من الشعراء عاوزه يبقى مختلف شوية..
وإلى أن تحضرنى الفكرة..
أحب دائما أن تشرفنى بالزيارة
دمت صديقا
السلام عليكم
القصيدة جميلة فعلا
وفيها أجزاء عالية كتير
والحالة وصلتني اوي وانا كنات لسة في نص القصيدة
وكل سنة وانت طيب
جهاد مشالي
السلام عليكم ورحمة الله وبركاته
كل سنة وحضرتك طيب
عيد سعيد عليك وعلى اسرتك الكريمة بإذن الله
افتقدت كلماتك ولا ادرى ان كان الذنب ذنبى فى تقصيرى .. ام ذنبك فى اقلالك
أعجبنى جدا
...........
يا ريـت خـيـرك تـَمَـر فـيـهــم
لـكن يـالـّلا..وكـلـه يـهـــــــون
مافيش ف الدنيا شيئ مضمون
يـنام مـخلص...يـقـوم بـيـخون
لـكن فـيـه مخـلصـيـن وبـجـــد
قـصــاد الـظـلـم زى الحـــــــد
ومـش عـارف مـكـانـهـم حـــد
عشـان حـوالـيـكى زيـف يـامـا
ومـــــوج الـكــدب دوامــــــــة
وإيــــد تـبـنـى...
وألــــف قـصـادهـا هــــدّامـــة
وأكثر ما أعجبنى فيها واقعيتها ومصداقيتها الشديدة فى قراءة الواقع الأليم
تقبل مرورى وتحيتى
لا تطل الغياب
سالى
دايما يا استاذى لما بقرأ شعرك يعجز لسانى عن التعبير عنه ووصفه
بجد احييك من كل قلبى
اتمنى تنورنى
انت فين يا استاذنا
مستنيه جديدك
العزيز
واحد من البلد دى
اين انت من كل هذه الاحداث ؟
لعل المانع خير
فى انتظارك
دايما مبدع يا عيزيى و كلامك يمس القلب
تحياتى
انا كنت داخلة ابص بصه صغيرة وامشي زي الندله بس كلماتك اجبرتني اقرأها للاخر واعلق
حلوة اوي اوي اوي بجد
ماشاء الله تحفة
وامانة عليك اشتملي اسلام .. ها اوعى تنسى
راااااااااااااااااائع
واحد من البلد دى
تجولت فى مدونتك فنسيت نفسى
فجئت مرارا وتكرارا ابحث عنها
فضفتك للمفضله تقبل تحياتى
اختك
*جنــــــــــــــــــى*
كلامك وشعرك جميل جدا يا واحد ..تدفق المعانى بهذه السلاسة يدل على مخزون شعرى هائل وموهبة أصيلة
كل تحياتى لك
إرسال تعليق