الاثنين، 31 مارس 2008

الاوله اه والتانية اه والتالتة اه


الاوله اه والتانية اه والتالتة اه
الاوله انسان مجروح وبتألم
و التانية احزان بتعدى ما تسلم
و التالتة يا زمان عايش و بتعلم
الاوله انسان مجروح وبتألم و قلبى عليل
و التانية احزان بتعدى ما تسلم صباح او ليل
و التالتة يا زمان عايش و بتعلم كتير و قليل
الاوله انسان مجروح وبتألم و قلبى عليل و يستاهل
و التانية احزان بتعدى ما تسلم صباح او ليل و بتساهل
و التالتة يا زمان عايش و بتعلم كتير و قليل و ليه جاهل

10 قول رأيك:

مواطن مصرى نايم يقول...

مبروك على افتتاح المدونة
و مبروك على اول بوست
روعة يا ابو مودى يا جامد

Wael يقول...

ولو انها بداية حزينة شوية
انما رائعة كلماتك

مبروك عليك الافتتاح
ومبروك علينا المدونة
وبالتوفيق دائما ان شاء الله (:

أشرف حمدي يقول...

الله
بجد رائعة
وألف ألف مبروووووك ع المدونة الجامدة دي
وفي انتظار أشعار حضرتك الأكثر من رائعة
تحياتي ومحبتي البالغة

واحد من البلد دى يقول...

Wael
شكرا على التعليق
و شكرا على المجاملة

واحد من البلد دى يقول...

دكتور اشرف
بجد شكرا على التعليق والمجاملة
ربنا يخليك

NoNa يقول...

السلام عليكم

اولا انا بشكرك على مروك فى المدونة بتاعتى بجد نورتنى جدااااااااااااا

ردك بيرفع من روحى المعنوية

بلوج بتاعتك جميلة جداا

وحلوة اوووووى الولى اة والتانية اة والثلثة اة بجد ررروعة

تسلم ايدك فى انتظار الباقى ان شاء الله

ومستنياك فى مدونة عندى تانى

بنوته مصرية يقول...

الاوله الف الف مبروك المداونه

التانية مش قادرة اقولك اسلوبك جميل جدااا وبيفكرني بصلاح جاهين واحمد فؤاد نجم بجد استمر لانك بجد ان شاء الله هتوصل ده احساسي

الثالثه اعتبرني زبونه بعد اسذنك يعني

تحياتي
رودي

واحد من البلد دى يقول...

بنوتة مصرية..إنتى مش زبونة يا جميل..إنتى صاحبة محل...يوووووه...قصدى صاحبة بلوج...على فكرة...؟البلوج بتاعك جميل وبوستاتك أجمل...زيارة مشكورة

صحفية روشة يقول...

الاوله اه
والتنيه اه
والتالته اه
الاولى موافقه والتانية موافقة والتالته موافقه
الاولى سلبية والتانية سلبيه والتالته سلبيه

واحد من البلد دى يقول...

الغالية .صحفية روشة...مش فاهم..ماذا تعنى بكلمة سلبية؟؟؟عموما ..بوست يفوت ولا حد يموت..مشكورة