ســألـتـه.خـدت العــــلاوة؟قــاللى طبـعـا لأ
طول عمرى وانا عند حكومتك مالياش حق
شـغـال فواعلى باعبى الرمـل فى الغـلقـان
وحياتى ماشـية إنما ماشـية يـدوب بالـزق
ســألـته.خـدت العـــلاوة؟قـاللى انا نجــار
أنشر فى لوح الخشب و ادق ع المســمار
معـايـا دبلـوم تجــارة من ســنة تســعـين
وتجــارة زى النجــارة وكــله بالمنشــار
ســألــته.خــدت العــلاوة؟قـاللى انا حداد
أبرم حـديــد البـنا لمـا الفــران تنـقــاد
وبقالى قول سنتين لا حديد و لا دياولو
وسألت قالوا البلد باعها الولد فى مزاد
ســألـتـه.خــدت العــلاوة؟قاللى انا بقال
من يوم ما كانت الجـبنة بتـلاتـة ريــال
اما النـهاردة بقـت بتزيد جـنيه فى اليوم
ولا حتى ستـين عـلاوة يغيرولنـا الحال
ســألـتـه.خــدت العــلاوة؟قاللى انا فلاح
فى عز برد الشــتا شغــال ومش برتاح
باجيب كيماوى و تقاوى فى السنة نوبتين
فى الأرض ضهرى إنحنى.إمتى الحمول تنزاح
ســألـتـه.خــدت العــلاوة؟قاللى انا تلمـيذ
قـالـولنا فى المدرسة إن العـلام ده لـذيـذ
وأدينى باكتب و باقــرا وتبقى آخرتــها
شهادات و متعلقة ع الحيطة فى البراويز
سألته.خدت العلاوة؟قاللى روح يا عبيط
بقى يبقى جنبى البـحر و ابص للتـنـقـيط
شغــال موظف جمــارك من سـنة ألـفـين
واعرف اجيب الجنيه لو كان مع العفريت
سـألـتـه.خــدت العــلاوة؟قاللى روح إمشى
ســألـتـه.إيه شغلـتـك؟قاللى مـاتسـألـشى
لقـيـت النـسـر فـوق كـتـفـه بـيـظغـرلى
انا خفت ليعضنى او أروح وما ارجعشى
سـألـتـه.خــدت العــلاوة؟قال عــلاوة إيه؟
أنا يا ابنى ولا تفرق معايا علاوة ألف جنيه
مأمور ضرايب بقى..يجعل كلامنا خـفـيـف
حضراتكو طبعا بقى عارفين انا اقصد إيه
سـألـتـه.خــدت العــلاوة؟قاللى مش عايز
قول للى باعتك كمان.شعبك عبيط؟؟جايز
بس المـهـم إنهـم مش كلـهـم مسـاطـيـل
ح تبيع علـيهـم هـــوا متعبى فى أزايــز
قــالــوا زمان الـنـزاهة تكون على قدك
عـايـز تبقـشــش.تبقـشــش بس من يدك
وادينى قلت اللى عندى ياللى مش سامع
وإن كنت سامع يا ريت تقوللى إيه ردك
طول عمرى وانا عند حكومتك مالياش حق
شـغـال فواعلى باعبى الرمـل فى الغـلقـان
وحياتى ماشـية إنما ماشـية يـدوب بالـزق
ســألـته.خـدت العـــلاوة؟قـاللى انا نجــار
أنشر فى لوح الخشب و ادق ع المســمار
معـايـا دبلـوم تجــارة من ســنة تســعـين
وتجــارة زى النجــارة وكــله بالمنشــار
ســألــته.خــدت العــلاوة؟قـاللى انا حداد
أبرم حـديــد البـنا لمـا الفــران تنـقــاد
وبقالى قول سنتين لا حديد و لا دياولو
وسألت قالوا البلد باعها الولد فى مزاد
ســألـتـه.خــدت العــلاوة؟قاللى انا بقال
من يوم ما كانت الجـبنة بتـلاتـة ريــال
اما النـهاردة بقـت بتزيد جـنيه فى اليوم
ولا حتى ستـين عـلاوة يغيرولنـا الحال
ســألـتـه.خــدت العــلاوة؟قاللى انا فلاح
فى عز برد الشــتا شغــال ومش برتاح
باجيب كيماوى و تقاوى فى السنة نوبتين
فى الأرض ضهرى إنحنى.إمتى الحمول تنزاح
ســألـتـه.خــدت العــلاوة؟قاللى انا تلمـيذ
قـالـولنا فى المدرسة إن العـلام ده لـذيـذ
وأدينى باكتب و باقــرا وتبقى آخرتــها
شهادات و متعلقة ع الحيطة فى البراويز
سألته.خدت العلاوة؟قاللى روح يا عبيط
بقى يبقى جنبى البـحر و ابص للتـنـقـيط
شغــال موظف جمــارك من سـنة ألـفـين
واعرف اجيب الجنيه لو كان مع العفريت
سـألـتـه.خــدت العــلاوة؟قاللى روح إمشى
ســألـتـه.إيه شغلـتـك؟قاللى مـاتسـألـشى
لقـيـت النـسـر فـوق كـتـفـه بـيـظغـرلى
انا خفت ليعضنى او أروح وما ارجعشى
سـألـتـه.خــدت العــلاوة؟قال عــلاوة إيه؟
أنا يا ابنى ولا تفرق معايا علاوة ألف جنيه
مأمور ضرايب بقى..يجعل كلامنا خـفـيـف
حضراتكو طبعا بقى عارفين انا اقصد إيه
سـألـتـه.خــدت العــلاوة؟قاللى مش عايز
قول للى باعتك كمان.شعبك عبيط؟؟جايز
بس المـهـم إنهـم مش كلـهـم مسـاطـيـل
ح تبيع علـيهـم هـــوا متعبى فى أزايــز
قــالــوا زمان الـنـزاهة تكون على قدك
عـايـز تبقـشــش.تبقـشــش بس من يدك
وادينى قلت اللى عندى ياللى مش سامع
وإن كنت سامع يا ريت تقوللى إيه ردك
.jpg)
71 قول رأيك:
إلى كل المدونين و المدونات الأعزاء..
تحياتى البالغة..؟
وبعد..
أعتذر عن تأخيرى لظروف إمتحانات أولادى و الحمد لله نجحوا بتفوق كالعادة..
و أحب أقول لحضراتكم أن هذا البوست تأخر كثيرا و لكن مش ممكن هذه المناسبة الميمونة -نظرا لقرابتها للقرد ميمون-دون أن أقدح زناد فكرى بما يليق بها..
دمتم أحبائى بكل خير..
واحد-ما زال-من البلد دى
اهلا بك وسهلا يا واحد من البلد والف مبروك لنجاح اولادك وتفوقهم..
هي كانت غيبة بس العود احمد والقصيدة روعة بجد وساحقة ماحقة..
وانا انادي واقول مش عايزييييييييين العلاوة يا ناس !!!!
عود حميد ومنتظرين القادم.ز
تحياتي
زيانور
مرحبا بكى أخت أم زياد و نور
أنا عارف إن حضرتك كنتى بتدخلى باستمرار ولكن قبل ما تفقدى الأمل قلت أنزل بوست بقى أحسن أخوتى و أخواتى يزعلوا منى..
ألف شكر على تحيتك لأولادى
وأنا مش عارف أولاد حضرتك سنهم قد إيه أو بيدرسوا فى سنة كام؟؟
ولكن عموما..أشكرك جدا لحرصك على المرور و التعليق..
دمتى بكل خير و عافية
حمد الله على السلامه والف مبروك لاولادك الحلوين ربنا يبارك لك فيهم ويخليك ليهم .
البوست هايل ..كان يستاهل التأخير .
كل التقدير والتحيه .
rovy
منجيلكش في علاوة
:)
وعلاوة على الكلام ده أرشح كلماتك لتتحول لصورة اذاعية مثل عوف الأصيل وعلى بابا والأربعين حرامي
خالص تحياتي
الأخت روفى..
مش معقول ..أنا لسه كنت عند حضرتك دلوقتى حالا و كتبتلك تعليق وطلبت منك تزورينى..
بس ما كنتش أتوقع إنك تزورينى بالسرعة دى..
نورتينى والله
شكرا لتحيتك أولادى
ربنا يكرمك ودايما مشرفانى كده
ياسر حسين
حبيب قلبى أنا أتأخرت عليك معلش
ربنا يخليك يا باشا على تعليقك
بس على فكرة أنا عمرى ما فكرت إنى أكتب شعر فى أى حتة وموضوع المدونة ده جه بالصدفة
منورنى يا برنس
كان لازم ارجع تانى علشان اشكرك على زيارتك الكريمه لمدونتى وعلى ابيات الشعر الجميله و على نصيحتك الغاليه ..
كل شكرى وامتنانى
دمت بخير اخى الفاضل
تحياتى
rovy
الله عليك
و تقولى فى ناس احسن منى و ليه انشر انا ؟
اعتبرها علاوة ياسيدى
مبروك للولاد
و مبروك لمصر العلاوة
رائعة كلماتك , قرات أكثر من موضوع وكل واحد احلي من سابقه
مبروك نجاح الأولاد ومبروك العلاوة
عودا حميدا اخى الفاضل
مبروك نجاح الاولاد وعقبال كل سنة ان شاء الله
القصيدة تحفة كالعادة
ومعبرة جدا وتستحق التاخير
حضرتك لك تاج عندى ارجو أن تقبله
دمت بخير
سالى
ههههههههههه
بداية الف مبروك يا باشا , امال فين بقي الحاجه الساقعه ..
وطبعا مش محتاج اقول اد ايه قلمك رائع وقوي , وكونك ابدعت قصيده بالروعه دي توافقا مع المناسبه الميمونه دي يدل علي ازدياد موهبتك تميزا ..
اما بالنسبه للعلاوه فميش تعليق غير ان الحكومه عندنا باعت الهوا في ازايز للناس
تحياتي
محمد
اولا مبروك نجاح الاولاد
ثانيا من وحي كلامك الجميا سأرد
سألته خدت العلاوة ؟ قال انا غلبات
مدرس بيكدح و الزمن غفلان
يوم القيامة في رقبتك قدام المنان
يللي بتحكم شعبك و هو ورا القضبان
طبعال نيجي فين جنب موهبتك بس حبيت اضيف تحية المدرسين اللي انا منهم :)
اخى العزيز
سعيد بزيارتى ومطالعتى لما خطت يداك
كلام متميز ينبض صدق وواقع ..
المشكلة فى العيال ؟
والله كل يوم يسالوا والدتهم قبضتى العلاوة
بابا قبض العلاوة
عاوزين علاوة هما كمان على المصروف
شفت ياسيدى
شكرا لك تواصلك وتحياتى
((((
ســألـتـه.إيه شغلـتـك؟قاللى مـاتسـألـشى
لقـيـت النـسـر فـوق كـتـفـه بـيـظغـرلى
انا خفت ليعضنى او أروح وما ارجعشى))))
بس انا عرفت الراجل ده بيشتغل ايه ... بيتهيألي سباك ..... صح ؟؟
:)
القصيدة كالعادة اكثر من رائعة ... بس وحياتك ما تتاخرش علينا تاني عشان انا بقيت بستني قصايدك زي ما بستني بتاع اللبن D:
هههههههههههههههه
جميله قوى
دى مش علاوه دى غباوه
الف مبروك لاولادك وعقبال ما يتخرجوا م الجامعه يا رب
قول اميين
اولا الف مبروك لاولاد حضرتك
ويارب دائما من المتفوقين
وبصراحة انا مش قادرة اعلق على البوست لانه للساف وصف لحالنا المذرى
تحياتى
بجد بجد الله عليك
بس عايزة اقولك على حاجة و الله دلوقتى الحداد و النجار و الفران كله زى الموظف يمكن الموظف اغلب منهم كمان
تحياتى
سالته خدت على نافوخك
قاللى اه
انا معايا الجنسية المصرية
هههههههههههههه
بجد قصيدة مالهاش حل
وبتنقل واقع مؤلم
وحمد الله على السلامة
نورت ارض المدونات مرة تانية
اولا انت قدحت زناد مسدسك على دماغنا انا كمان ناخدتش العلاوة بس اشتريت كيلو حلاوة احتياطى ولو انى مش بحبها بس اهو تجارة
ثانيا الف مبروك لاولادك يا رب وعريسى بقى خليه يمكن نجيب له واحده نونو كده حلوة على قده
روفى
كان لازم أرد تانى على حضرتك..ربنا يكرمك و يارب دايما منورة المدونة المتواضعة دى
تحياتى لشخصك الكريم
~~~~~~~~~~~~~~~~~~~~~~~~~~~~
قوس قزح
طبعا يا افندم فيه ناس كتير جدا و الله احسن منى بكتير
وشكرا لتحيتك الولاد..
لكن مبروك لمصر العلاوة دى انا مش فاهم منها كلمة واحدة بس .ياريت تفسريهالى....
يعنى إيه مصر..؟؟؟؟؟؟؟؟؟؟؟؟؟
مشكورة لمرورك و تعليقك الرقيق
~~~~~~~~~~~~~~~~~~~~~~~~~~~~
سنو وايت
الرائع هو مرورك الكريم أختاه..شكرا لتهنئتك الأولاد..
لكن انا ماليش فى العلاوة..
الأصح إن حضرتك تباركى للى أخدها.
شرفتينى جدا بزيارتك
~~~~~~~~~~~~~~~~~~~~~~~~~~~~
الأخت الغالية..سالى
مشكورة للمرور و التعليق ..
وده عشمى فى حضرتك..
الأولاد بيسلموا عليكى..
وبالنسبة للتاج..
أنا يشرفنى إنى أقبله ..بس أنا حارد عليه عند حضرتك لأنى من أول ما عملت المدونة بتاعتى وحضرتك ملاحظة إنى مابكتبش فيها أى حاجة غير القصيدة اللى انا عايز انزلها بس وأرجوكى إعذرينى لردى على التاج عند حضرتك لأنى عايز أحافظ على شكل المدونة أنها تكون بلا أى إضافات غير الشعر فقط..
تمريرك التاج لى أسعدنى جدا ..
تحياتى ليكى
~~~~~~~~~~~~~~~~~~~~~~~~~~~~~
الفارس الملثم
الله يبارك فيك يا محمد..والحاجة السلقعة على النار آهى..
وربنا يكرمك لإطرائك ده ..
يا عم انا غلبان مش موهوب و لا حاجة
بوستك اللى فات عجبنى جدا على فكرة..
دمت صديقى
~~~~~~~~~~~~~~~~~~~~~~~~~~~
الفاضلة أم أحمد المصرية
الله يبارك فى حضرتك..
وبعدين إيه الأشعار الجميلة دى ..أنا كده أبطل كتابة أحسنلى..
بس حضرتك باين عليكى ما عندكيش وقت للدروس الخصوصية..
عموما زى بعضه المرة الجاية أبقى أكتب حاجة على المدرسين
تعليقك أسعدنى و مرورك شرفنى...دمتى بخير
~~~~~~~~~~~~~~~~~~~~~~~~~~~
الأخ الفاضل..حسن محمد توفيق
مشكور لك تشريفك للمدونة..
وبعدين العيال ليس لهم ذنب ..مش الإعلام هوه اللى حط موضوع العلاوة ده فى دماغهم..أنا بقى عن نفسى ماليش دعوة يا عم أنا عملى حر..
شفت بقى فايدة العمل الحر...و لا علاوة ولا بقلاوة..
دمت بكل خير أخى الكريم
~~~~~~~~~~~~~~~~~~~~~~~~~~
ناجى العلى ..
حبيب قلبى..
إنت ذكى جدا على فكرة لأنك عرفت بيشتغل إيه..وبعدين إنت ما قلتليش بتاع اللبن ده..بقرى و الا جاموسيييييييييييي
...يارب أترقى لبتاع عيش..
نورتنى يا جميل
~~~~~~~~~~~~~~~~~~~~~~~~~~~
بنت مصرية
يعنى كنتى عايزانى أكتب فى القصيدة
(سألته.خدت الغباوة؟(..
أنا قلت أخليها علاوة أحسن و الحدق يفهم وطبعا حضرتك (ست الحدقبن..
الله يبارك فيكى وشكرا للتهنئة..
دمتى متواصلة
~~~~~~~~~~~~~~~~~~~~~~~~~~~~
قطة الصحراء
الله يبارك فيكى يا قطة والله زيارتك نورتنى.؟.
بس أنا كنت عايزك تعلقى..
لكن على العموم .
شرفتى و نورتى..تحياتى ليكى
~~~~~~~~~~~~~~~~~~~~~~~~~~~
عاليا حليم
أنا مع حضرتك إن الموظف ممكن يكون غلبان..
بس لو حضرتك لاحظتى..النماذج اللى أنا ذكرتها فى القصيدة من الموظفين نماذج معينة...عموما ما اختلفناش يا أخت عاليا..كل النماذج فيها الحسن و فيها السيئ لكننى أنقض السيئ بإعتبار أن الحسن هو الوضع الطبيعى...
أسعدنى مرورك جدا..
دمتى بكل خير
~~~~~~~~~~~~~~~~~~~~~~~~~
مدحت محمد
أهلا يا باشا..
بس ليه على نافوخه يعنى ما ينفعشى على قفاه مثلا..
ههههههههههههههه
ربنا يخليك يا جميل المدونات منورة باصحابها
نورتنى
~~~~~~~~~~~~~~~~~~~~~~~~~
الغالية..آبى
سلامة دماغ حضرتك..
وانا حابعتلك كل محبى الحلاوة لحد عندك..
وبالنسبة لعريسك..أنا عندى واحد تانى عنده سنتين آخر العنقود..هوه ده اللى ينفع معاكى إنتى و إسلام..بالمناسبة.سلميلى عليه وقوليله بلاش يعمل حما على إبنى ..أدينى باقول من أولها..واللى أوله علاوة ...آخره زيادة..
نورتينى
انا مش هرد عليك
ولا هعيد ولا ازيد
اصلك جبت المفيد
وكلامك اصله شديد
بس فين اللي يفهم
وبكلامك دا يتأثر
اعدنا كلنا نحلم
بوضع فـ يوم يتغير
وياريت ولا جات علاوة
ولاحد فكر في زيادة
منبش منها الغلابه ..
غير زيادة هم فوق الهم
........
استاذي الجميل
اعذرني بس كلامك حقيقي كلام مهم
ومقدرتش قدامه غير اني افكر كتير واتغم
بقول ايه
احسنلي بقى اتلم
وابطل كلام ... بلا غــــم
واحد من البلد دي
مش عارفه اقولك ايه
تسلم ايدك بجد
ومبروك للاولاد
ويارب من نجاح لنجاح
موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html
26.05.2008
تسلم ايدك بجد ...انا بجد طول عمرى بحترم الاسلوب ده فى عرض مشاكل البلد بجد ربنا يكرمك :)
ها خدت العلاوة؟
حمد لله ع سلااامتك
نورت الدنيا كلها
كلاااامك بجد من احلى الكلام اللى قراتة عن العلاوة اللى معظم المدونين كتبوا عنها بجد معبر جدا وعميق للغاية
تحياتى لقلمك
نورتنى
أخى الفاضل
أشعار حضرتك تستحق فعلا أن تُفرد لها مدونة بالكامل
لا توجد لدى اى غضاضة
التاج موجود فى مدونة حاجات جوايا
http://7agat-gowaya.blogspot.com/
البوست قبل الأخير
أنتظر مرورك الكريم
دمت بخير أخى
اولا الف مبروك لنجاح الاولاد ودايما بالتوفيق
ثانيا القصدية بجد تحفه واحييك عليها وتستحق بجد الانتظار
انت بتجيب الكلام الجامد ده منين، بجد عبرت عن اللى جوا كل واحد فينا
تحياتى ليك ودمت مبدعا
يالهوي
مش عارف أرد أقول ايه
هو حضرتك بتجيب الأفكار دي كلها منييييين ؟ دي كل فقرة عاوزالها تعليق لوحده
مش عارف اقول ايه على ده كله
تحيااااااااااتي واعجابي الشدييييييد
حبيبة القمر
متشكر جدا على كلامك الجميل ده..
إيه يا بنتى الموهبة دى كلها..؟؟
سيبيلنا شوية نشتغل بيهم..
ههههههههههههه
ربنا يكرمك يارب و متشكر لتهنئتك
دمتى بكل خير
~~~~~~~~~~~~~~~~~~
Whispers just for a Night
أنا آسف لأنى ما كنتش موجود ..بجد آسف جدا
ربنا يجعل كل اللى حضرتك بتعمله ده فى ميزان حسناتك
تحياتى البالغة
~~~~~~~~~~~~~~~~~~
الأخت دعاء مواجهات
دمتى أختا غالية وصديقة عزيزة
تعليقك أسعدنى ولكن كل الأخوة المدونين كتبوا كلام رائع عن العلاوة ولكن كل على طريقته
إحترامى الشديد لشخصك الكريم
دمتى بخير
~~~~~~~~~~~~~~~~~~
Om Dodo 7abiby
تواصل حضرتك يسعدنى حقا و لقد رددت على التاج بالفعل
تعليقك يخجلنى..
وبعدين يا أخت أنا أشعارى على قدها صحيح..لكن فى نظرى يمكن تكون غالية شوية
تحياتى و إحترامى
~~~~~~~~~~~~~~~~~~
أهو ده عيبه
ربنا يكرمك بالنجاح دايما زى أولادى
والكلام ده يا ستى باجيبه من الأخوة و الأخوات المدونين..لأنى كل ما أفكر إنهم حيقروه..أقول فى نفسى..لازم أكتب حاجة تليق بيهم..
طبعا إنتم غاليين عليا جدا..
دمتى متواصلة
~~~~~~~~~~~~~~~~~~
أشرف باشا حمدى(أبو عمرو)
يا باشا آخيرا حنيت عليا..
عارف يا أشرف المشكلة عندى إنى بحبك فى الله..
ربنا يكرمك على الكلام الجميل بتاعك اللى أنا ما أستحقهوش
بس إنت دايما كده...كاسفنى..
تحياتى لك ولأبن أخويا
واحد من البلد دي
اسمح لي اناديك بابن بلدي لان دي حاجة تشرفني و تسعدني
كلماتك جميلة جدا و قدرت تلخص و تعبر عن وجع الناس و فرحتهم اللي ما تمت
الف مبروك لاولادك النجاح و يا رب زمنهم يكون الحال احسن بس لو فضلنا زي ما احنا يبقى ربنا يكون في عوننا و عونهم
......
عندي تاج احب ان اهديك اياه و ارجو ان تقبله
اتمني ان تشرفني بالزيارة لترد عليه
انا بقى الحمد لله ماخدتش العلاوة
بس برد خدنا على دماغنا غلى اسعار
فعلا ربنا يبعدهم عنا
والف مبروك للولاد ودول اهم حاجة فى الدنيا ربنا يعينك
ايه يا عم
العلاوات دى كلها هتجيبها الدولة منين
دى دولة نامية ويادوب بتوفر رغيف العيش
ومش لاقينه كمان
وعاوزهم يدوا دول علاوات
طاب يدوا الوظفين والمدرسين والدكاترة وووووووو
وبعدين يفكروا فى اصحاب الحرف
واستنى عليهم شويه
اصلوا هما واضعين خطة بعيدةالمدى يعنى العلاوات دى هتكون موجودة اكيد سنة 3000
دا اذا كانت خطتهم للتقدم ورفع مستوى المعيشة ناجحة
تحياتى
ودمت بكل ود
السلام عليكم
حضرتك موجود ف غيابك وحضورك ومبروك على نجاح ولاد حضرتك
ههههههه عارف انا فقدت الامل فعلا وكنت بدخل اشوف جديد ملاقيش اقول الصبر جميل لما اشوف اخرتها
اضحكك على حكاية العلاوة المقنعة دى مامتى جات من الشغل قولتلها بس ايدك على ال30% بتوعى قالتلى اخدهم الغراب 100%وطاار وملحقتوش
ومبروك علينا العلاوةالنقاوة
تحياتى ياصديقى
السلام عليكم
حضرتك موجود ف غيابك وحضورك ومبروك على نجاح ولاد حضرتك
ههههههه عارف انا فقدت الامل فعلا وكنت بدخل اشوف جديد ملاقيش اقول الصبر جميل لما اشوف اخرتها
اضحكك على حكاية العلاوة المقنعة دى مامتى جات من الشغل قولتلها بس ايدك على ال30% بتوعى قالتلى اخدهم الغراب 100%وطاار وملحقتوش
ومبروك علينا العلاوةالنقاوة
تحياتى ياصديقى
بررراح
يشرفنى مرورك و يسعدنى تعليقك و طبعا طبعا أقبل التاج و انا رايح ارد عليه حالا
مع أبلغ تحياتى
~~~~~~~~~~~~~~~~~~~
رئيسة حزب الأحلام
المدونة نورت بتعليق حضرتك
شكرا لتهنئتك الرقيقة ولو عايزة علاوة إستنى لما إبنى الكبير يبقى وزير و أنا أوصيه عليكى و أقوله..
خد بالك يا ولد من جدتك رئيشة حشب الأحيام.....
على أساس إن أسنانى كلها حتبقى فى الباى باى
نورتينى
~~~~~~~~~~~~~~~~~~
عرفة فاروق الأسيوطى.الأديب العاشق
تعليقك ده المفروض يبقى فى المتحف..علشان سنة 3000يعرفوا إن قدماء المصريين اللى هما إحنا كان عندهم بعد نظر بالنسبة لأصحاب الحرف
ههههههههههههههههه
نورتنى يا جميل
~~~~~~~~~~~~~~~~~~~
رصيف نمرة خمسة
أنا مش مصدق عينيا..حضرتك بكيبوردك و نتك عندنا..
دى مناسبة تستحق علاوة 50%..
بعد إذنك بقى علشان أدور على موارد.
هههههههههههههههه
وأخدن العلاوة يا حلاوة
طبعا اخدناها فى.... الوريد
اسف على التأخير فى التعليق بظروف شغلى وهتابع علاطول ان شاء الله
تحياتى
الأخ العزيز أيمن بدر
لا داعى للآسف المدونة تنور بيك فى أى وقت
ربنا يقويك فى شغلك
وكويس إن العلاوة فى الوريد
بس فيه حاجة غريبة..
هوه مش اللى بياخد فى الوريد لازم يكون عنده دم..؟؟؟؟؟؟
طيب إحنا جبنا الدم منيييييييين؟؟؟؟؟؟؟
انا عن نفسى ماعنديش دم..
أصله إتحرق من زمااااااااااااان
تحياتى لك
اولا الف مبروك لنجاح الاولا بتفوق وعقبال كل مرة واعانك الله على تربيتهم والاهتمام بهم
ثانيا:تعرف ان فكرة ماكتبت فكرت فيها ايضا يعنى الزياة للكل سواء والعلاوة لناس معينة وجت فى الاخر على دماغ الكل
ارحموا من فى الارض يرحمكم من فى السماء
جميلة طريقة العرض والكلمات ايضا
بالتوفيق دائما
ربنا يخلي اولادك ودائما متفوقين يارب
ياريتنا ما اخذنا العلاوة
ثم انا كنت جاية وقولت مش همشي وايدي فاضية هههههههههههه
حمدالله علي السلامه
ودائما متالق كالعاده
الغالية.موناليزا
اشكر لكى تهنئتك الأولاد
وما وجد القلم الناقد إلا لنعبر به عن أحلامنا التى حولها النظام إلى أساطير نتناقلها بيننا نحن الحالمون..
وإن كنا لن نشعر بأحلام البسطاء...
من سيشعر..؟؟؟؟
دمتى متواصلة بكل خير
~~~~~~~~~~~~~~~~~~~~~~~~~
بنوتة مصرية
الله يبارك فى حضرتك
أنا لو عليا عايز أعمل علاوة إستثنائية لكل المدونين لكن معلش بقى ..
العين بصيرة و الإيد قصيرة
والدنيا جميلة و الخيبة تقيلة
والجو رائع و الشعب ضائع
شفتى بقى الكلام سهل إزاى الواحد يلاقيله مضادات..
يالا بقى خدى لك حاجة ساقعة و مع ألف سلامة..
سلامى لحضرتك
ياباشا انت كتبت كل الوظائف ومعلش عايز واحد لطب هنا ( دكتور يعني )
تحياتي
البوست هو أجمل ما قرأت عن العلاوة
الف مبروك لاولادك و عقبال كل سنة
لازم تفكر فى طريقة لنشر كتاباتك فى كتاب او على الاقل فى مدونات للجيب فهى تستحق
تحياتى
هيرو
سألته.خدت العلاوة؟قاللى انا دكتور
وإن شلت (دك)يا سيدنا.اللى يفضل(تور)
عمال يلف يلف فى ساقية الدنيا
وكل أمله بقى إنه يعيش مستور
..........
أى خدمة ..على فكرة ..أنا لو كنت عايز أكتب عن كل وظائف العالم كنت كتبت..
بس انا باعمل حساب إنكم حتزهقوا من التطويل..
تحياتى يا دكترة
~~~~~~~~~~~~~~~~~~~~~~
الغالية جنة
أنا متشكر جدا على تعليق حضرتك الرقيق ده..
وبعدين يا ستى أنا غلبان ماليش لا فى النشر ولا حاجة..
لكن لو طلبوا منى بوست أو إتنين للمدونات الجيب أنا تحت أمرهم
أنا مستعد آخد الجيب كله لحسابى.
ههههههههههههههههه
تحياتى ليكى
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى
amyasser@hotmail.com
أو ترك اللينك الخاص بالبوست والمعلومات الخاصة بالمدون فى تعليق على العنوان التالى
www.amyasser.blogspot.com
تحت عنوان خاص لجريدة الأسرة العربية
الجريدة تصدر الإثنين من كل أسبوع
العين بصيرة و الإيد قصيرة
والدنيا جميلة و الخيبة تقيلة
والجو رائع و الشعب ضائع
شفتى بقى الكلام سهل إزاى الواحد يلاقيله مضادات..
يالا بقى خدى لك حاجة ساقعة و مع ألف سلامة..
هههههههههههههههههه
طيب لو سمحت تكون كانز ودايت ههههههههههه
علي فكرة انت ليك تاج عندي تعالي خده
تحياتي
اولا الف مليون مبرووووك على نجاح الاولاد
وثانيا احب ابدى اعجابى الشديد بكتابتك الرائعة بجد انت لخصت كل كلام الناس الغلابة فى البلد دى
تحياتى ليك يا شاعر يا كبير
وياريت تشرف مدونتى المتواضعة
تحياتى
رئيس جمهورية اسوان العربية
انت فيين يا استاذنا
علاوه
هى ايه حكاية العلاوه دى
دى ضحك على الدقون
واحنا نايمين ومش حاسين
طيب بتوع الاعمال الحره يعملو ايه
ده غير ان امى موظفه
بتقولى والله ما عايزين العلاوه
لانهم ببساطه زودوا الضرايب
وخدوا العلاوه وزياده كمان
حسبى الله ونعم الوكيل
ســألـتـه.خــدت العــلاوة؟قاللى انا تلمـيذ
قـالـولنا فى المدرسة إن العـلام ده لـذيـذ
وأدينى باكتب و باقــرا وتبقى آخرتــها
شهادات و متعلقة ع الحيطة فى البراويز
مبروك اولا للاولاد وبالتوفيق ان شاء الله دائما , ويطلعوا لابوهم . طيب المفروض تعملهم مدونة خاصه عشان نباركلهم وناخد منهم حلاوة النجاح .
تصدق , انا بكره اسيب مجرد اعجاب باى بوست
بس مع بوستاتك مقدرش اسيب غير مجرد الاعجاب , والدعاء فى نفس الوقت برضو ان ربنا يبعد عن مدونتك اعين اللى مايتسموش ويخليك لولادك .
very good , as usual (:
بنوتة مصرية
المزاح معكى أختاه من باب الأخوة فعلا
وأنا لا أكن لحضرتك سوى منتهى الإحترام
وحبيت إنى أخلى ردى دمه خفيف شوية
وأنا جاى حالا أرد على التاج اللى بيتعبنى جدا
بس أعمل إيه...؟؟؟؟
لازم أقبله..
هوه انا أقدر..؟؟؟
عمرو النوبى
المدونة نورت بيك
و مدونتك من قبل ما ازورها لا متواضعة ولا حاجة بس يظهر صاحبها هوه اللى متواضع
انا جاى حالا اهوه
تحياتى ليك
~~~~~~~~~~~~~~~~~~~~
بنت مصرية
أنا اهوه يا أغلى أخت
بس الجهاز كان عليه فيروس شنيع
ربنا ما يحرمنيش من سؤالك عنى
تحياتى الرقييييييييقة
~~~~~~~~~~~~~~~~~~~~~
إوعى تفكر
والله يا آخى أنا بافكر أخلى صفتى زى إسم حضرتك
لأنى من كتر التفكير ممكن أطق
وساعتها بقى يطلعوا ضريبة إسمها ضريبة الطققان..
وساعتها بقى ...
أعمل إييييييييه..؟؟؟؟؟؟؟؟؟؟
تحياتى ليك يا جميل
~~~~~~~~~~~~~~~~~~~~~~
وائل باشا
حبيبى اللى منورنى دايما
ربنا يخليك
دايما رافع معنوياتى كده..
بس انا عايزك تشوفلى واحد قريبك فى الحى علشان معنوياتى إرتفعت آوى و خايف يجيلى إزالة...
ههههههههههههههههه
منورنى يا باشا
~~~~~~~~~~~~~~~~~~~~~~
بعد العلاوه اعضاء مجلس الشعب عملو اجتماع علشان يعوضو العلاوه دى بزياده فى الاسعار
وقد كان
علاوه ميييييييييييييين
كفايه البنزييييييييييييين
والناس اللى هتموت جعانييييييييين
لانهم مش لاقيييييييييييين
بجد العلاوه دى زادت الناس فقر على فقرهم
ربنا يرحمنا فى الزمن ده والظروف دى بجد
لو سألنا حضرتك
خدت علاوه؟؟؟؟؟؟؟؟؟؟؟؟؟
هتقول ايييييييه؟
رائعة ..بجد رائعة...والصورة مناسبة جدا جدا ...
يا ريت لو تبعت لمدونات مصرية للجيب فى عددها الجاى..كلامك جدير بالنشر..وبيعبر عن حال البلد ..
هي المرة الأولى اللي أدخل فيها مدونتك لكن فعلاً بهرتني بإسلوبك الساحر
على فكره أنا مصري مقيم خارج مصر لذلك لا تعنيني العلاوة ولكن عزائي لكل مصري يعيش على أرض الوطن
رجااااء ياريت تزوروني ويكون لي الشرف
ههههههههههههههههههههه
الله يخليك الله يخليك عندي سؤال واقف في زوري
اخدت العلاوة؟ :)
ايه الكسل ده ..
فى انتظار الجديد
تحياتى
rovy
الامتحانات خلصت والعيال
نجحوا ايه اللى مأخرك هننا تانى بقى
واحد من البلد دى
اين انت يا صديقى ؟
هذه زيارتى الثانية ولا اجد جديد
لعل المانع خير ان شاء الله
اخي الفاضل دخلت اكثر من مرة لرؤية جديدك فلم اجد
لعل المانع خيرا شكلك كده بتصرف العلاوة قبل ما تيجي
متنشرش القصيدة كلها ...
القوانين عندنا لا تحترم حقوق الملكية الفكرية لدرجة كفيلة بأخد حقوقك كاملة ..
السلام عليكم
أراك على خير اخى الكريم
عميق شكرى وامتنانى واحترامى لتواصلك معى ودعائى الدائم لك بكل الخير
والسلام عليكم ورحمة الله
عايز تبقشش بقشش بس من يدك
جامده جدا و الله يا عمونا
و الله عجبتنى جداااااااااا
سلامونيوم
( زى خشامونيوم من قبنورى كده)
ادعوالله ان يكون المانع خيرا
اخى الفاضل يا ريت تطمنا عليك
تحياتى
rovy
السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
ياعم ياعم علي الجمال
بقي العلاوة تطلع الابداع ده كله
انت اخدت كام علي كدة ؟
السلام عليكم
ازيك عامل اية
بجد تحفة اوى
البوست دة بتاع العلاوة
تسلم ايدك
على فكرة فى جروب على فيس بوك
اسمة جربوبات مصرية للجيب
بتنشر كتيب تحط فى مواضيع من مدونات
دة لينك اهو
http://www.facebook.com/group.php?gid=11886314641
ادخل فى ونزل مواضيعك بجد هتكون خرافة
لست أدرى لماذا كنت أشعر طوال الوقت وكأن العظيم (نجيب سرور) ينظر إلى من بين أبياتك الرائعة جداً والله العظيم.
ده أول مرور ليا على مدونتك أرجو أن تقبلنى صديق وأن تسمح لى بتبادل الروابط معك على مدونتى المتواضعة (قلب مصرى).
http://2lbmasry.blogspot.com
ياريت جات عالنجار ولا الحداد ولا ....
دة الكل فيها محتاس ..
والكل فيها شارب مر الكاس ..
سلمت يمناك ..
رحـــال
لا بجد أستاذ انا كتبتلك إمبارح وقلتلك انى لقيت مدومتك على مكنه الفاجومى وبجد انته من البلد دى
كمل ومبروك لاولادك وعقبال اولادنا يارب
لفت نظري اسم المدونة اولا ..لان مش كتير بيقولوها اليومين دول :)
اعجبت بالقصيدة جدا ولمزيد من التفوق
بجد جميله جدااا
بس انا كان نفسى اعرضها فى منتدى انا احدى اعضائه لكى يعرفوا قيمة اولاد بلادنا وان فى البلد دى ناس تعرف تعبر عن ما بداخلها ممكن ترد عليا فى هذا الطلب
سمسمه
إرسال تعليق